鹵水墨魚
(由滷水墨魚跳轉過嚟)
鹵水墨魚（滷水墨魚）係潮州滷味嘅一種，即係用滷水整嘅墨魚，上碟嘅時候會切成薄片然後凍食。
香港嘅潮州打冷舖通常都會有滷水墨魚供應，不過同喺潮汕地區食到嘅滷水墨魚唔同，香港嘅滷水墨魚係螢光橙色嘅，又叫做橙色墨魚。香港打冷舖見到嘅橙色墨魚係用食用色素染成橙色嘅，原因係螢光橙色會令佢睇起上嚟靚啲。[1][2]
做滷水墨魚，最緊要係做好個滷水。傳統嘅潮州滷水係用豬骨、梅頭肉、老雞、火腿、陳皮、瑤柱，八角、桂皮、香葉、甘草、香茅、黃薑、羅漢果、丁香、蒜頭、紅蔥頭、唐芹、紅蘿蔔、洋蔥、老薑、生抽、老抽、芫茜頭、芫茜籽、冰糖、鹽、魚露、花雕酒、玫瑰露酒一齊熬製嘅。[3][4]
打冷舖一般都認為滷水係有生命嘅，越老越好，但係需要細心打理，所以佢哋每日都要添加新嘅滷水料（主要係陳皮、桂皮、花椒、八角）落去個陳年滷水煲裡面，而且需要每日都煲住佢，否則好容易變壞。[5]
雖然香港食到嘅滷水墨魚都係橙色嘅，不過亦都有啲餐廳會提供原色嘅滷水墨魚。[6]
參考
[編輯]- ↑ 〈呂嘉俊：為何潮州打冷的墨魚是橙色？而我們會安心放入口〉。《*CUP媒體》 (美國英文)。2022-06-28。原著喺2025-01-17歸檔。喺2025-01-17搵到。
- ↑ 〈滷水墨魚｜港男自己煮打冷墨魚變「火龍果皮」 墨魚要橙色只因一個可怕理由？〉。《星島頭條》 (香港中文)。2023-01-12。喺2025-01-17搵到。
- ↑ 〈潮州卤水 广东省人民政府门户网站〉。www.gd.gov.cn。喺2025-01-17搵到。
{{cite web}}: no-break space character in|title=at position 5 (help) - ↑ 〈潮州卤水的做法及配料-舌尖上的卤味〉。www.viplucai.com。喺2025-01-17搵到。
- ↑ 〈愈陳愈美味〉。MICHELIN Guide (繁體中文)。喺2025-01-17搵到。
- ↑ 〈滷水墨魚 Cuttlefish〉。《潮童・生記滷味》 (臺灣中文)。喺2025-01-17搵到。