潘鑾彬

潘鑾彬pun1 lyun4 ban1（英文：Pun Luen Pan；綽號：雙槍王；出世：1974年）首次犯事（指政府有紀錄者）時得十二歲，因日後帶隊搞過令人震驚嘅打劫案傍綁架案各一單而出名，今陣有最少五重案底。雖然潘鑾彬嘅悍匪形象深入民心，但係有尐與其相識嘅社會賢達讚渠豪爽、浪漫傍愛妻。

潘鑾彬（以前）個老婆叫方雯麗（英文：Fong Man Lai），渠等生徂兩個女（大嗰個叫潘欣賢（英文：Pun Yan Yin；暱稱：Zoe），細嗰個叫潘巧賢（英文：Pun Hau Yin；暱稱：Irene））。於1994年4月27號，潘鑾彬喺法庭入面飲泣恁為方雯麗（仲有需要其照顧嘅潘欣賢傍潘巧賢）求情嘅感動場面一時成為佳話。

於1993年1月2號，有幾個鹹濕收數佬喺油麻地嘅某餐廳裏面對着方雯麗眼睺睺，引起爭執，有槍旁身嘅潘鑾彬傍三個拍檔跟着用槍柄打徂對方一身，隨後由於情緒依然高漲，即興老笠，威逼在場嘅卅九個顧客（包括劉家良、翁靜晶傍阮兆輝）交出財物；渠等帶着爾批約值卌七萬港幣嘅首飾、錶傍現錢，上徂的士走人；着軍裝嘅陳志文傍着便衣嘅湛匯槐好快趕到並將車截停，雙方隨即駁火，爾兩個差佬均俾子彈擊傷，然後班賊全身而退；過徂無幾耐，方雯麗傍潘鑾彬相繼落網：方雯麗嘅罪狀係管有軍火傍來自上述案件之賊贓；潘鑾彬毋止被追究上述案件嘅現場行動之責任，仲就另外兩單嘢被控告（其一話渠於1992年1月8號同最少兩條友合作，喺淺水灣用槍脅持目標，搶走歐威廉傍其保安嘅六千七百八十蚊港幣；其二話渠藏有於1992年2月14號被搶掠，位於鰂魚涌嘅某間金舖之失物）。渠等兩個都被捉徂去踎監：過徂一排，方雯麗上訴成功，擺脫全部罪名；潘鑾彬喺監獄之中得到十四K大佬曾榕（綽號：柳記松）賞識，成為渠嘅手下，於出冊之後喺油尖旺一帶撈黑。

於2002年1月5號，警員吳耀文傍高級督察杜力行等差人去尖沙咀某間的士高查牌時，喺場外遇到潘鑾彬傍其兩個同伴，要求睼渠等尐身份證時被拒絶，彼此初則口角，繼而動武；潘鑾彬其後被控告阻差辦公傍襲警兩條罪。於2002年9月4號，潘鑾彬夥拍三個人，喺尖沙咀冒充警察兼陀槍，將偏門商人林益明（綽號：左軚車大王）標參並勒索贖金，於禁錮期間毆打兼用刀恐嚇過渠，收到和利群商人連卓釗（綽號：連超、公海賭王）傍掩飾身份之高級偵緝督察王澍邦交出嘅五百萬港幣先至放人；為此，潘鑾彬好快就又一次被拉兼再次入冊。潘鑾彬而今已經出獄，可能同潘巧賢（等）一齊住喺某個位於油麻地嘅豪宅單位（，有KOL稱靠報料得知潘鑾彬同其他人組成徂另一頭家，不過方雯麗（等）嘅居所都係位於嗰個屋苑嘅，而儘管如此），四人（包括潘欣賢）之感情（似乎）依然融洽，又有江湖傳聞話潘鑾彬孭亙幾十萬港幣嘅蒲吧街數，亦有時事評論員嘅調查指用以購買或租用上述物業嘅財富之來源非常可疑。

注

為徂避免離題，除徂方雯麗以外，潘鑾彬嘅作案伙伴之下場一律略過。潘鑾彬之所以有「雙槍王」爾個朵，係因為渠（以前）經常喺條腰嘅兩邊各纜一枝黑星手槍，而且槍法毋錯，話毋定仲試過左手一把右手一把恁同警察火拼。

睼

• 蔡天鳳案嘅疑點傍爭議