蔡天鳳案疑點傍爭議

蔡天鳳於2023年2月下旬被殺，香港警察隨即開始密切恁對外公佈其查案傍捉賊嘅進度，本地傳媒亦頻繁恁報導此事以及其相關消息（其中有毋少來自對清晞誦傍豹太嘅訪問），爾類內容亦喺社交網絡湧現；以上三者嘅互動，除徂令公眾對此案極度關注，亦導致若干香港政策存在已久嘅漏洞傍當地官員長期失職嘅醜聞陸續被公諸於世。到徂2023年3月中旬，情況突變，上述嘅前者傍中者差毋多一齊變得近乎停頓，留低無數謎團，引起徂大眾嘅諸多猜測。不過毋喺中共管轄範圍嘅小型粵語傳媒、小型普通話傳媒傍大型國語傳媒，繼續耐毋耐拎到尐新嘅發現出來。

坊間對於蔡天鳳兇殺案嘅理解，起初為幾個熟人之間謀財害命嘅獨立事件（鄺港智、鄺球、鄺港傑傍李瑞香合力搶奪蔡天鳳出錢購買嘅樓宇單位之控制權嘅手段)。隨着香港警察宣佈有更多疑犯落網，以及互聯網民傍各界專家公開其分析，仲有新聞界發掘出更多被捕者傍蔡天鳳以及兩者之親朋戚友嘅背景資料，愈來愈多人相信爾單命案其實係一堆龐大嘅有系統犯罪（例如包括大陸傍香港（甚至仲有外國）官府（中人）參與嘅洗黑錢勾當）之冰山一角，而死者傍七個疑犯只不過係嗰尐集團當中辦事不力嘅卒仔，因此要搞資訊封鎖，以防止（更多）事實被揭露。

分項

• 《香港01》傍陳景祥認為，（香港大型）傳媒報導蔡天鳳案時，多數將重點放喺獵奇傍性爾兩個元素度，並一直過界恁窺秘，只有少數追問值得深究嘅問題（例如質疑若干主要疑犯可以長年作奸犯科之怪事，意味香港傍大陸嘅官府有咩毋妥），另有其他新聞道德議題需要反省（例如消費悲劇、過度標籤、靠反差式改圖吸引流量、以情感作切入點敘事亂帶風向及側重以網絡傍社交媒體作資訊來源）。

• 《端傳媒》、香港中國通訊社、《新周刊》、王天定傍屈穎妍批評眾多同行，話渠等處理蔡天鳳碎屍案傍其衍生之題材時為徂吸引顧客而用到嘅若干做法，違反專業操守：其一係將尐血腥內容刻畫得太過仔細，毋止令好多受眾覺得毋舒服，亦會教識某尐人怎樣犯案；其二係八卦受害者傍其親友圈子（應該）同該案件無關嘅私隱，甚至連未證實嘅傳言都照樣攞來渲染一番，毋止係將焦點擺錯徂喺前者身上，仲會為後者帶來額外嘅心靈創傷；其三係因為爾單案以後可能會喺高等法院由陪審團裁決，所以傳通街嘅各種消息（包括疑犯嗰尐無打格仔嘅露面相），話毋定會踐踏無罪推定嘅法律原則傍偵查毋公開嘅規定，甚至因此侵害人權。

• 該案嘅次要疑犯之一潘巧賢，於2023年4月15號經挨豬發表聲明，話自己無辜，並抗議被利用兼害得好慘，仲要求一哥為渠澄清。潘巧賢喺保釋期間用咁強烈嘅措辭公開申冤，整徂單毋細嘅新聞出來，然而香港官府又毋反駁，令大把網民傍傳媒疑惑。

• 極少提及不利香港政府之傳聞嘅《大公報》，於2023年5月7號一反常態，獨家指香港警務處迅速立案追尋失蹤嘅蔡天鳳之原因，可能係方媛託郭富城聯絡其高層職員，變相批評該紀律部隊並非大公無私；亦有評論推測此乃某股中共勢力打擊爾兩個人嘅手段。

• 蔡天鳳傍其身邊嘅人做洗黑錢生意之猜測，自2023年2月下旬起，已經係個毋少中文網上討論區傍中華人民共和國以外嘅漢語傳媒之熱門話題；然而，香港嘅主流新聞機構（包括星島新聞集團）當時雖然紛紛長篇大論關於蔡天鳳之種種，但係一律對此傳聞隻字不提。等到爾壇嘢凋淡徂毋少，《東周刊》傍《星島日報》再次落力刮料，甚至專訪張燕花、譚方駿傍豹太，兼由2023年5月2號開始，多次對其作重點報導，仲詳細恁轉述渠等怎樣否認上述犯罪指控，不過漠視新講法同以前經自己手出街嘅舊講法之若干明顯衝突；有時事評論員認為爾檔嘢嘅操作之所以反常，係因為隨着時間過去，政府為操縱輿論而對該行業下達嘅命令毋同徂。承上，香港中國通訊社就蔡天鳳兇殺案專訪過鍾灼輝，並用由此所得之材料，整徂兩則分別於2023年5月1號傍2023年5月7號出街嘅報導；鍾灼輝於2023年5月11號經面書透露，該訪問係（大概）一個月之前嘅事，當時自己提供嗰套分析有三部份，然而上述次則缺徂當中之二，其原因似乎係對方要剔除懷疑案件牽涉洗黑錢犯罪嘅敏感內容（縱然首則起碼有嗰類關鍵詞）；渠又話，（正常來講）要搵出此事背後嘅真相並毋難，不過容許調查到咩地步，會係另一回事。

• 《南華早報》於2023年5月21號傍2023年5月22號一共刊登徂三則（兩則圖文、一則影片）以專訪清晞誦傍王凱華之內容為主嘅新聞。無糧軍師Water發現徂渠等嘅若干詭異之處：由其中一張相可以見到本展示亙2023年2月嗰頁嘅掛曆，兼且受訪者之裝束睼來同當地2023年5月嘅天氣毋夾；因此推斷拍攝嗰陣係2023年2月，並非近期，而爾個咁長嘅日子間隔反映背後有尐藞䕢博奕。

另睼

• 愛豹仕愛心慈善機構有限公司

網址

• 蔡天鳳奇案 - YouTube
• 蔡天鳳暴富時間表懶人包+五大疑點（6） | LIHKG
• 蔡天鳳Abby Choi案件
• 協助偵查蔡天鳳（Abby Choi）案討論群組