潘高夀

潘高夀（英文：Poon Goor Soe），係源自廣州嘅中成藥藥廠牌子，家下喺香港獨立經營，叫潘高壽藥廠（英文：Poon Goor Soe Medicine Manufactory），而廣州嘅業務就係由廣藥集團管嘅。

潘高夀喺大清光緒十六年（1890年）喺廣州高第街開業，初頭叫「長春洞潘高夀」，1936年發明「潘高夀川貝枇杷露」。隨住中共奪權，廣州潘高夀畀政府沒收搞公私合營（仍然保留潘高夀個牌子），潘高夀喺1950年代搬到香港發展。

「潘高夀川貝枇杷露」成份包括川貝、枇杷、桔梗、百部、前胡、桑白皮同薄荷，主治各種咳。