澳門演藝學院

**澳門演藝學院**
澳門演藝學院
	澳門政府機構
	澳門演藝學院標誌
	部門資訊
部門性質	{{{部門性質}}}
成立年份	1989年
所屬部門	澳門文化局
總部	總院：澳門高士德大馬路 14-16號; 舞蹈學校︰澳門新口岸宋玉生廣場獲多利商業中心3樓; 音樂學校︰澳門和隆街35號; 戲劇學校︰澳門友誼大馬路（海景花園87號地下）新安花園大廈
聯絡資訊
網站	conservatory.gov.mo

澳門演藝學院（葡文：Conservatório de Macau；英文：Macao Conservatory）係依家澳門唯一一間培訓表演藝術機構，學院喺1989年成立，隸屬於澳門文化局。設有舞蹈學校、音樂學校同戲劇學校，總院喺澳門半島高士德大馬路14-16號。

學系

依家澳門演藝學院只有三個學系，佢哋係音樂、舞蹈同戲劇。

音樂學校係依家澳門規模最大、學科最齊全、最專業同學生最多嘅音樂教育機構。有中樂同西樂學科，設有必修同副修科目。學校向學生提供系統性同規範性嘅音樂基礎教育。專業教師70幾位，學生700幾名。

舞蹈學校喺新口岸宋玉生廣場獲多利中心三樓，係澳門唯一一間獲政府批准，提供職業藝術教育嘅正規藝術學校。全校就讀學生有900多位，分為唔同科目、唔同程度有60多個班。

舞蹈學校同上海市舞蹈學校聯合舉辦「舞蹈技術課程」專才教育課程，為學生提供全面系統專業舞蹈訓練同埋具有同等學歷嘅初中、高中文化課程。

戲劇學校係澳門依家唯一一間設有基礎舞台表演藝術培訓嘅專門學校，以系統性同規範性嘅長期訓練方式，提供各類型戲劇課程。戲劇學校致力發掘同培養澳門嘅戲劇演藝人才，又向市民進行普及藝術教育。

學院轄下嘅三間學校都有相關標準嘅課室、多功能室、表演廳、禮堂、圖書室、音像資料室等設備。

以「敬藝、尚美、博雅、精進」做院訓，以「專業與普及並重，藝術與生活共融」為宗旨。

實行專業同藝術教育雙軌並行。透過開辦系統性、規範性同持續性嘅舞蹈、音樂同戲劇藝術教育課程，提升澳門市民嘅人文質素；通過設置舞蹈、音樂中學教育課程，為澳門培養知識型、創造型嘅演藝專才。