無限集合

無限集合（冇限集合）係由無限個元素組成嘅集合，亦都叫做無窮集合（冇窮集合）。喺集合論入面，集合主要分為有限集合同無限集合，有限集合好多嘅性質都係顯而易見嘅，相反，因為無限集合嘅非有限性，所以無限集合嘅一啲基本性質反而變得唔明顯，個別嘅數學家甚至質疑諸如選擇公理等基本公設使用喺無限集合身上係咪重係啱。

喺羅素悖論提出咗之後，一啲較為激進嘅數學哲學家甚至提倡禁止喺數學入面用無限集合嚟挽救第三次數學危機。

無限集合喺數學之中可以講係無處不在，一般常見嘅例子有整數集、有理集等。一般嚟講，無限集合重可以分為可數集同不可數集。