瑪琳黛德麗

瑪琳黛德麗有譯瑪蓮德烈奇（Marlene Dietrich，1901年 12月27號—1992年 5月6號）係一個德國出世嘅女演員、歌手同埋娛樂家。

喺佢漫長嘅事業生涯裏面，由一個1920年代柏林嘅歌手、唱女同埋女演員開始，到1930年代嘅荷里活影星，1940年代嘅第二次世界大戰娛樂家，到最後1950年代到1970年代嘅國際舞台戲演奏家，德烈奇不斷重新演繹自己，終於成為咗20世紀娛樂界嘅重要人物之一。美國電影團體將佢列喺女星排行榜第 9 位。

生平[編輯]

瑪琳·黛德麗喺柏林出世，出世嗰時叫做瑪琳·瑪德蓮娜·黛德麗（Maria Magdalena Dietrich）。5歲個陣，老豆死咗，而佢個媽咪叫佢同一個叫做普鲁士嘅軍官結婚。

1918年佢同魏瑪學小提琴，1921年喺柏林展開演員生涯。

1936年納粹德國宣傳部長約瑟夫·戈培爾請佢返番德國，並保證除咗高人工之外，重畀佢改劇本同揀同事嘅自由，但佢飛咗。佢留左同美國演員亞弗列·希區考克、恩斯特·劉別謙、奧森·威爾斯（電影「公民凱恩」導演）同比利·懷德合作電影。1937年嘅奧地利短暫之行之後，佢開始咗常年嘅旅途。兩年之後，即使佢媽咪重喺柏林，佢攞到美國國籍。