石井兵工廠

出自維基百科,自由嘅百科全書
跳去導覽 跳去搵嘢

石井兵工廠英文ShekCheng Arsenal),又叫廣東兵工廠英文the KwangTung Government Arsenal,at ShekCheng)、廣東兵工總廠,係舊日喺廣東省城大北門外,番禺縣屬嘅石井墟(而家白雲嘅石井鎮)度嘅一間兵工廠。佢係喺近代嶺南最早搞嘅一個官辦兵工廠。

[編輯]

清末[編輯]

兵工廠前身,係兩廣總督瑞麟喺1874年6月奏請成立嘅廣州機器局,初頭設喺省城聚賢坊度。到咗1885年10月,兩廣總督張之洞奏請將省城內機器局,夾埋城外增埗軍火局成廣東製造局。

新廠就揀中咗石井墟設立個石井西局, 遴選咗江蘇補用知縣薛培榮, 買落31畝嘅地。生產嘅設備有由上海泰來洋行(Telge & Co.)入手嘅一部機器, 同埋由增埗製造東局、增埗黑藥局調嚟嘅機器,由廣西度入手嘅生產機器就折價留咗粵。 [1] 籌建嘅使費係成1.73萬有多嘅銀兩。1887年石井廠落成開始咗運作,叫做製造西局。

到岑春煊接掌咗兩廣總督後,見到啲生產未如理想,決定咗擴建工廠兼提升出品質素。喺1905年喺槍彈廠隔離再買咗地,增建咗專登修理兵器嘅機器廠,同時擴建咗槍彈廠同火藥廠,喺1907年落成開始咗運作,同一年工廠係喺大中華度第一個成功仿製咗德國武器。

到咗1911年清王朝滅亡陣,兵工廠嘅排位同江南機器製造總局、金陵機器製造局、福建馬尾船政局等出名嘅兵工廠非常之近,係華南地區度最大嘅軍火工廠,每個月嘅出產足夠裝備一個營嘅武器。

民國[編輯]

前期[編輯]

開初個廠都經手過粵、桂、滇系等部隊嘅爭奪,後尾先至收入咗孫大砲嘅手下,專登生產供應北伐戰爭度。

喺1914年,魏邦平、朱卓民、林警魂得勢,排擠咗李福林嘅派系。張祿屬於李嘅派系,從而離任咗兵工廠長,由朱卓文接掌咗。

1915年龍濟光佔領咗廣州,朱卓文離任,由龍派蘇倫瑜接手做廠長。

1917年,孫中山帶著粵閩聯軍打走咗龍濟光部隊,派咗鈕永建接手兵工廠。

1919年,陸榮廷莫榮新、譚潔明佔領咗廣東,鈕永建離職。陸、莫派咗廣西回族嘅馬濟接手做廠長。

1920年,廣西軍閥又畀孫中山打走咗,馬濟離開兵工廠陣,偷偷放咗大地雷三個,仲召集廠度啲總管、匠目、領首(車間技術骨幹)到會議廳度開會,諗著殺曬啲主要嘅工人同炸埋啲機器設備,後邊敗露咗,除炸毀咗機床十幾部外,廠未有受重創。[2]

到1936年陣工廠嘅僱員有成2300幾人。[3]

中日戰爭以後[編輯]

1937年左近中日戰爭爆發前,廣東兵器製造廠奉咗令拆卸曬啲生產設備,搬咗去廣西嘅容縣度,後日軍進逼就再轉走啲設備,入到去貴州桐梓嘅一個山窿度繼續開工,供應國民部隊打日本。到咗1945年光復後,喺1946年7月解散咗最尾組建嘅工廠,啲機器運曬去重慶度轉手第二間廠。 1949年7月剩低嘅工廠遷咗去海南島榆林港(記錄中斷)。

國共第二次戰爭陣,石井嘅舊兵工廠就做咗國民軍嘅修械所。[4]

變遷[編輯]

共和國後石井舊廠就由解放軍接管咗,改建解放軍嘅海軍魚雷倉庫。喺1977年就喺度改做咗解放軍嘅海軍第二水面艦艇學校。2013年改建做解放軍嘅海軍陸戰學院。據任職過學校嘅周錦新教授講,喺1987年過去教書陣,仲有成10個庫房保留著,後尾都清拆重建建成課室、實驗樓、大禮堂呢啲。

2014年陣,部隊院校同白雲地方當局夾埋份,重建咗原屬兵工廠碼頭嘅石井河小碼頭遺址(喺黃石西路海軍橋側,大岡街交界)。當其時學院嘅政治部周副主任曉寬仲話,學院會整埋個廣東兵工總廠陳列館,照規劃陳列館會搞三層,佔地10畝;部隊方面亦有計劃,復建孫中山同埋宋慶齡喺1924年去視察兵工總廠陣搭過嘅火船仔。[5]

舊底嘅出產[編輯]

機器局時期,出產槍炮火藥, 兼有修造兵輪, 所製造嘅槍品有「豬仔腳」手槍、七響後膛抬槍等。

轉到石井度創建咗製造槍彈廠後,製造嘅槍品有毛瑟、 馬梯呢、 士乃得、 云者士四種槍同彈藥,每日整到嘅槍就有五六倒,而每日產嘅子彈就達到咗8000粒,主要供應清軍裝備。

1907年擴建增加咗新廠房陣,成功仿製咗德國1904年式毛瑟步槍, 稱之係「光緒三十三年六米厘八新式五響無煙快槍」。

1909年,廠製造咗三信式六五「旱機關槍」,同奧式六八「水機關槍」。

1911年11月廣東軍政府成立陣,石井廠保持著穩定嘅出產,每日可出步槍20支,每月可出機關槍20架,每日產子彈3.5萬粒。  

睇埋[編輯]


參考[編輯]

  1. "廣東兵工廠". 火器堂. 原著喺2019-05-11歸檔. Unknown parameter |dead-url= ignored (help)
  2. "石井兵工厂简史". 广州文史. 原著喺2011-09-03歸檔. Unknown parameter |dead-url= ignored (help)
  3. "石井兵工厂近代广东一间不寻常的工厂". 朱江. 金羊网-羊城晚报. 2010-05-02. 原著喺2020-02-13歸檔. Unknown parameter |dead-url= ignored (help)
  4. "石井兵工厂 —— 锤炼兵工烈焰 传承强国使命!". 白云社区网. 2019-08-30. 原著喺2020-02-13歸檔. Unknown parameter |dead-url= ignored (help)
  5. "广州石井河小码头复建成功 原系甲午海战兵工厂". 广州日报. 2014-07-25. 原著喺2014-07-27歸檔. Unknown parameter |dead-url= ignored (help)