北伐

出自維基百科,自由嘅百科全書
(由北伐戰爭跳轉過嚟)
跳去導覽 跳去搵嘢

北伐,又叫國民革命軍北伐國民政府北伐或者中國國民黨北伐,係喺1926年去到1928年之間,中國國民黨領導嘅國民革命軍向北洋軍閥發動嘅內戰,因為國民革命軍嘅戰場係由推進,所以又簡稱做「北伐」或「北伐戰爭」。

1926年7月9號,國民政府成立國民革命軍,由蔣中正擔任總司令,首先喺廣東起兵,連奪長沙武漢南京上海主要嘅城市;進攻去到華中嘅時候,國民政府內部因為對蘇聯同埋中國共產黨態度唔同而分裂,令到北伐陷入停頓。合流後,國民革命軍繼續北上,加入西北馮玉祥山西閻錫山之後,1928年6月攻克北京。奉系軍閥、安國軍總司令、安國軍政府海陸軍大元帥張作霖由北京撤去東北,但之後就因為皇姑屯事件而被炸死,佢個仔張學良喺嗰年年底宣布東北易幟,歸順國民政府。

國民政府喺北伐戰爭中,除咗透過直屬嘅國民革命軍之外,都吸收咗中國各地嘅反北洋勢力,成功將北洋軍閥同埋佢哋掌控嘅北洋政府瓦解。北伐結束之後,國民政府完成咗形式上嘅中國統一,成為中國喺國際上唯一代表嘅政權。