擦膠
(由砂膠跳轉過嚟)
擦膠，或者膠擦，亦叫擦紙膠或者擦字膠，係一種擦。呢種文具主要係用橡膠做，用嚟擦乾淨鉛筆寫出嚟嘅嘢。擦膠一般係白色，亦都有為咗靚整到唔同色，而家嘅擦膠可以係任何色。擦咗出嚟嘅碎，叫「擦膠碎」。
另外有一種擦膠，叫做沙膠，專用來擦原子筆字。原子筆墨會滲響紙嘅表層，而沙膠通常硬身，擦落好似有沙咁，可以擦得甩紙表層，連帶擦埋原子筆跡。不過，擦完通常連紙都會薄埋，唔小心重擦穿張紙。因為咁，貪方便嘅會用塗改液，改錯帶。
有時小朋友藉口話搵唔到擦膠，會用手指沾口水當擦膠，但效果就麻麻地。
喺一啲趕時間嘅情況下，好似係考試，啲人寫錯咗可能就咁用筆刪咗佢而唔用擦膠，慳返啲時間。
成分
[編輯]出面網頁
[編輯]- More eraser information 網頁有唔同嘅擦膠
 |