社會主義核心價值觀

社會主義核心價值觀
一張巨型海報宣傳緊社會主義核心價值觀其中12個主要價值觀
繁體字	社會主義核心價值觀
簡化字	社会主义核心价值观
標音 官話 - 中文拼音 Shèhuì zhǔyì héxīn jiàzhíguān 閩語 - 閩南語白話字 Siā-hōe Chú-gī hu̍t-sim kè ta̍t koan 粵語 - 耶魯拼音 Séhkūi zyūjìh hàhtsàm gáazìhkgùn

大連市金州區社會主義核心價值觀宣傳看板

喺貴陽市見到嘅工地帆布，上面寫有「社會主義核心價值觀」

社會主義核心價值觀係中國共產黨喺2012年中國共產黨第十八次全國代表大會提倡嘅價值觀。

依家社會主義核心價值觀宣傳海報遍佈中國大陸大街小巷，好多公共地方都掛呢個海報。

另外，中華人民共和國各級行政部門亦要求各個學校、醫院、企業、網吧、商舖、商場、交通工具公司等單位通過宣傳展板、橫幅或電子顯示屏等媒介展示社會主義核心價值觀24字全文。

目標

中國建設銀行嘅電子顯示屏展示住社會主義核心價值觀。

• 國家層面嘅價值目標：富強、民主、文明、和諧
• 社會層面嘅價值取向：自由、平等、公正、法治
• 公民個人層面嘅價值準則：愛國、敬業、誠信、友善

歌

• 社會主義核心價值觀之歌，

由楊五琴編詞同作曲：

　　*我們生活在中國， 　　*時時刻刻要好好學習。 　　*社會主義核心價值觀， 　　*二十四字內容要熟悉。 　　*我們都是中華兒女， 　　*大家都有美好的夢。 　　*社會主義核心價值觀， 　　*二十四字內容要牢記。 　　*富強民主文明和諧， 　　*自由平等公正法治， 　　*愛國敬業誠信友善。 　　*愛國敬業誠信友善。 　　*富強民主文明和諧， 　　*自由平等公正法治， 　　*愛國敬業誠信友善。 　　*愛國敬業誠信友善。

爭議

亦有人認為社會主義核心價值觀有誤導成份，因為價值觀提及到嘅民主同自由喺中國大陸好難體現到，中國政府成日控制傳媒，亦打壓異見份子好似劉曉波等人，畀人質疑講一套做一套。

另外，社會主義核心價值觀海報同宣傳周街都見到，有人覺得係洗腦教育。

對於中國人嘅素質，亦有好大質疑。由於中國農村教育程度普遍唔高，好多人成日做啲唔文明嘅行為，好似成日唔排隊、亂拋垃圾、隨地吐痰等行為。同時唔文明嘅制度亦好多，其中中國憲法中嘅違法條款最多，又無民主選舉制度，貪官劃行無理，其中死刑亦係全球最多嘅國家之一。

喺平等方面，行政方面成日唔關注農村人民貧窮情況。其中，農民工喺城市亦低人一等，多次為咗發展而強行清拆佢哋喺城市嘅住屋，令到佢哋無家可歸。

對於愛國方面，好多中國官員持有外國護照，亦有好多官員送仔女去外國讀書，畀人質疑連高官都對國家唔忠誠。

睇埋

• 習思想
• 中國夢
• 洗腦