跳去內容

神戶

座標：34°41′24″N 135°11′44″E / 34.69000°N 135.19556°E / 34.69000; 135.19556
出自維基百科，自由嘅百科全書
(由神戸市跳轉過嚟)

34°41′24″N 135°11′44″E / 34.69000°N 135.19556°E / 34.69000; 135.19556

神戶市
（通稱神戶）
上：神戶港、中左：明石海峽大橋
中中：風見雞館、中右：南京町
下左：摩耶山嘅夜景、下右：神戶港塔
名稱
日文原名神戸市
平假名こうべし
羅馬字Kōbe-shi
地理位置
國家日本 日本
都道府縣兵庫縣
政府編號28100-0
鄰近政區明石市、稻美町、三木市、三田市、寶塚市、西宮市、蘆屋市
（海上接隣）
淡路市
----神戶市嘅位置
神戶市
（通稱神戶）喺日本兵庫縣嘅位置
有關數據
面積552.83km²（部份邊界未定）
人口1,540,242（2014年1月1日數據）
人口密度2,786人/km²
象徵
市章
神戶嘅旗仔
神戶市市章（日文：市町村章）
市樹茶梅
市花繡球花
神戶市
（通稱神戶）政府
地址〒650-8570　兵庫縣
神戶市中央區加納町六丁目5番1號
網站www.city.kobe.lg.jp

神戶（粵拼：san4 wu6；日文：神戸市／こうべし Kōbe-shi）係日本近畿兵庫縣嘅縣廳，亦都係政令指定都市之一[1]，管轄9個區。神戶市嘅面積係552.83平方公里。2014年1月，神戶市有154萬242人[2]，係日本人口第六多嘅都市。神戶同大阪、京都一齊都係京阪神都會區嘅核心都市[3]，同時神戶市亦都同佢附近嘅衛星都市組成咗神戶都市圈[4]。

「神戶」呢個地名係起源喺而家神戶市中心嘅三宮、元町地區，喺古代曾經係生田神社嘅領地，並且住咗生田神社嘅神封戶[5]。神戶喺大阪灣沿岸，風浪平緩並且沿岸水深較深，地形好適宜起港口[6]。喺古代，神戶就係京都同大阪嘅外港之一[7]。1868年，神戶做咗日本最早開放對外國通商嘅五個港口之一，之後神戶好快咁發展做日本最重要嘅港灣都市之一[8]。亦正因為噉，佢係日本最早嘅通商港口，神戶以開放同國際化嘅氣氛而聞名。1995年嘅阪神淡路大地震雖然畀神戶帶嚟巨大嘅打擊，但係經過好多年嘅重建，神戶嘅都市建設同人口都已經超過地震之前嘅水準[9]。神戶係座宜居都市。2007年，神戶市入選福布斯雜誌評出嚟嘅「世界最清潔嘅廿五座城市」[10]。2012年，喺瑞士嘅諮詢公司ECA國際評選出嘅世界宜居都市排名入面，神戶市排名第五位，係唯一入選前10位嘅日本都市[11]。

地理

[編輯]

地形同地質

[編輯]
依山傍海係神戶都市景觀嘅特徵

神戶市喺兵庫縣東南部，六甲山系同瀨戶內海構成咗神戶依山傍海嘅都市景觀。六甲山東西川過神戶市域北部，構成神戶市中心街區同郊區嘅天然分界線。六甲山最高峰嘅海拔高度係931.25米，都係神戶市內嘅最高點[12]。山地北面係神戶市內保存多啲自然嘅地區，關西著名嘅溫泉旅遊地有馬溫泉就喺呢度[13]。喺六甲山地北麓同佢附近嘅丘陵地帶都有一啲新市鎮[14]，有好多條鐵路同公路穿過六甲山連接呢啲新市鎮同神戶市中心市區。喺六甲山麓嘅南便，喺好多神戶開港早期嗰陣起嘅外國人住宅[15]，呢個區域亦都係日本最早嘅近代高檔住宅區。神戶市嘅大部分中心市區就喺六甲山系同瀨戶內海之間嘅沿海平地。呢個地區嘅南北長度淨係有約三公里，搞到神戶嘅中心街區呈現沿海岸嘅東西細長嘅形狀。為咗擴充市區同港口用地，神戶曾經實施好多次填海造地[16]。神戶市沿海嘅兩大人工島—港灣人工島同六甲人工島都係利用六甲山嘅土石填海造成嘅人工島[17]。神戶市入面嘅主要河流有住吉川 (兵庫縣)（日文：住吉川）、生田川（日文：生田川）、新湊川（日文：新湊川）等等[18]，呢啲河流大多發源喺六甲山並且喺流經神戶市區之後就直接入海，因為咁，佢哋嘅長度好短。

神戶市嘅地質可大概分做兩個區域。六甲山地主要由花崗岩構成，佢個地質構造形成喺約7000萬年之前[6]。因為花崗岩有天然嘅過濾作用，累積嘅降雨喺經過花崗岩嘅過濾之後滲入地底，搞到六甲山做咗神戶重要嘅天然水脈。而六甲山湧出嚟嘅優質水源亦都令到神戶生產嘅礦泉水同日本酒享有盛譽[19]。而市區嘅平地部分就形成喺約3000萬年之前，喺基盤岩類嘅上面覆蓋有好厚嘅沖積層[20]。神戶市入面有好多條活斷層，呢啲斷層大致可以分做須磨斷層・諏訪山斷層、淡路－六甲活斷層系同大阪灣斷層系三個系統[6]。

氣候

[編輯]
港灣人工島係神戶最大嘅人工島

神戶市係一個瀨戶內海式氣候區域，全年氣候比其他城市溫和啲[21]。六甲山地北面嘅地區就具有內陸型氣候嘅特徵，同市區相比有好大嘅溫差。同日本其他地區相比，神戶嘅降雨相對少啲，全年平均嘅降水量大約1,200毫米。櫻花盛開的嘅春季係神戶最令人開心嘅季節。喺經過潮濕嘅梅雨季節之後，神戶入去熱辣辣嘅夏季。因為神戶空氣乾燥並且有海風吹住，所以神戶嘅夏天雖然炎熱，但相對近畿地方其他大都市嚟講，夏天仲係咁舒適[22]。喺夏秋交接嗰陣，神戶有時會受到颱風嘅影響。神戶嘅秋天好短。而冬天嘅神戶就因為山地地形嘅影響，成日被人叫做六甲颪（日文：六甲颪）嘅季候風吹襲[23]。雖然六甲颪嘅影響令到神戶冬天氣好凍，但係因為冬天空氣乾燥搞到神戶市區好少落雪。

史

[編輯]

古代

[編輯]
生田神社係神戶三大神社之一

神戶嘅歷史喺舊石器時代開始，喺神戶市入面多地都發現舊石器時代同繩文時代嘅文物[24]。神戶喺彌生時代之後，因為稻作技術同金屬器嘅傳入，神戶嘅人口急劇增加。據日本書紀寫話，神戶三大神社入面嘅生田神社[25]和長田神社（日文：長田神社）[26]:65都係喺彌生時代嘅後期起嘅。而喺古墳時代之後，因為豪族嘅興起，喺日本各地開始出現巨大嘅前方後圓墳（日文：前方後円墳）。神戶市入面最出名嘅古墳係五色塚古墳（日文：五色塚古墳），呢座古墳亦都係兵庫縣入面最大嘅古墳[27]，呢樣嘢顯示喺呢個時期神戶已經有一定程度嘅文明發展。喺奈良時代，當時嘅朝廷喺兵庫區起大輪田泊（日文：大輪田泊），開始咗神戶作為港口嘅歷史[26]:10。大輪田泊係攝播五泊之一，係當時日本重要嘅貿易據點[28]。喺平安時代後期，日本因為財政問題而冇維修大輪田泊，大輪田泊被荒廢。

大輪田泊嘅蕭條狀況喺平氏政權（日文：平氏政権）興起之後發生巨大嘅變化。平清盛喺大輪田泊起人工島經島（日文：経が島），試圖將大輪田泊發展做日宋貿易嘅據點[29]。1180年，平清盛仲強行宣布遷都福原京，佢個位置位於而家神戶市嘅中央區同兵庫區北部[30]。由於反對勢力太強大，福原遷都淨係實施咗半年之後日本嘅首都就遷返去平安京。平氏政權亦都喺平清盛瓜柴之後好快咁崩潰，而神戶仲係平氏政權瓦解過程入面重要戰役一之谷之戰嘅戰場。福原京嘅修築雖仲可以話淨係停留喺計劃層面[31]，而喺鎌倉時代初期，高僧重源又重振咗大輪田泊嘅港口[32]。喺鎌倉幕府時代，神戶嘅人口大多數住喺而家嘅兵庫區一帶，呢個地區叫做兵庫津，係嗰陣日本重要嘅港口[33]。喺14世紀前期呢個自建武新政轉換去室町幕府嘅劇變時期，神戶係湊川之戰嘅舞台。呢段時間亦係同一時期開始，除咗嘉吉之亂至應仁之亂之間嘅廿幾年間神戶曾經由山名氏統治之外，神戶開始大約200年嘅赤松氏（日文：赤松氏）統治時期[34]。1591年，結束戰國亂世時期而統一日本嘅豐臣秀吉喺神戶山頭嘅有馬溫泉開有馬大茶會[35]。喺江戶時代，神戶嘅主要市區仲係喺兵庫津一帶[36]:65。嗰陣嘅兵庫津係自西日本去北海道嘅北前船（日文：北前船）的重要據點港口[37]，同時亦都係西國街道重要的宿場町[38]。

開港至二戰期間

[編輯]
北野町山本通係神戶最有異國風情嘅地區

喺江戶幕府末期，日本喺歐美嘅壓力之下被迫打開國門。1858年，幕府同美英法俄荷五國簽訂安政五國條約，條約規定開咗五個港口做通商港口。列強雖然原本諗住揀已經有一定規模嘅兵庫津做關西地區嘅開放港口，但因為兵庫津排外風氣好盛加上兵庫津附近嘅神戶村嘅沿岸水深深啲，起港口最啱[39]:227，因此神戶村即做咗五個開放港口嘅其中之一[40]。1868年，神戶正式開港[41]。嗰陣神戶嘅港口以湊川做界線，湊川西便嘅港區主要由日本船用，叫做兵庫港；東面就主要由外國船用，叫做神戶港。兩港喺1892年統合，統稱係神戶港[42]。市區同樣用湊川做界線，湊川西面嘅兵庫係舊市區，而湊川東面嘅神戶就有好多外國人住，搞到嗰陣嘅神戶出現雙子都市嘅格局[43]:58。因為市區範圍嘅擴大，兩大市區合埋一齊，市中心都慢慢咁移向東側邊嘅神戶，而「神戶」亦都做咗包埋兵庫喺入便嘅正式名稱。喺神戶開港嗰陣時，神戶市裡便仲開咗專畀外國人住嘅神戶外國人居留地[41]。神戶居留地喺日本係最早有近代都市計劃嘅其中一個地區，運營都係由國人自己管，佢嘅都市經營方式亦為日本其他都市帶來巨大影響[44]。好多外國教堂、銀行、企業同埋領事館集中喺度，神戶居留地做咗嗰陣日本最國際化嘅地區之一。1899年，日本廢除治外法權，居留地制度都廢咗，神戶外國人居留地畀翻日本管理[45]，而神戶市中心市區嘅地位保持到依家。作為西洋文明喺日本嘅窗口，神戶喺東西文化交流裏面發揮咗重要嘅作用。日本第一個鐵路隧道[46]、第一個咖啡廳[47]、第一樽波子汽水[48]、第一個水族館[49]、第一個高爾夫球場[50] 、第一個日本國內做嘅蒸汽機車[51]、第一個爵士樂隊[52]等咁多新嘅事物都係喺神戶出現。1889年，神戶開始行市制，成為日本最早嘅一批市[53]。

20世紀之後，神戶繼續快速發展。1905年，阪神電氣鐵道開通咗神戶（三宮站）去大阪（出入橋站）嘅鐵路[54]，呢條係日本第一條都市間鐵路。因為鐵路嘅開通，神戶同大阪之間嘅經濟活動變得更加活躍，仲開啟咗阪神間摩登（日文：阪神間モダニズム）嘅時代[55]。一樣都喺20世紀前期，隨著築港事業嘅進展[56]，神戶做咗遠東最重要嘅港口其中之一個。1920年，神戶港開通咗去美嘅航路[57]。喺大正同昭和初頭，神戶同倫敦、紐約、漢堡一齊被叫做世界四大海運市場[58]。但係喺1930年代之後，跟住日本就開始行入戰爭軌道，神戶嘅發展都受到重大嘅影響。1938年，神戶受到阪神大水害（日文：阪神大水害）嘅侵襲，市裏面有多過600人喺水害入面死咗[59]。喺二戰末期，神戶成日比美軍嘅空襲，尤其1945年3月17日同埋6月5日嘅空襲最慘烈。神戶市多過20%嘅市區面積喺空襲其間被破壞，同埋最少有8,841個市民喺空襲其間死咗，受傷嘅就超過15萬人。神戶係當時日本大都市裏面比美軍空襲損害得最嚴重嘅都市[60]。

戰後

[編輯]
阪神大地震嗰陣嘅神戶市

喺二戰結束之後，神戶好快就復興。造船、鋼鐵等等重工業變咗神戶新嘅主要產業，令到神戶喺戰後發展成為日本重嘅工業都市。1956年，神戶成為咗日本第一批政令指定嘅都市[61]。神戶市仲喺呢一年舉辦咗國民體育大會（日文：国民体育大会）。喺1960年代，神戶港係佢開港以嚟100年嘅紀念，神戶港個樣都跟住神戶嘅地標建築神戶港塔完工[62]同埋港灣人工島嘅開工[56]發生咗劇變。由於神戶市中心市區面積好細，所以喺1960年代開始，神戶市開始挖掘丘陵用嚟建造新市鎮，仲將挖出嚟嘅泥用嚟填海起海上新都市。1970年代，跟住山陽新幹線的開通、神戶祭（日文：神戸まつり）嘅舉辦[63]同埋NHK電視劇風見雞（日文：風見鶏 (テレビドラマ)）嘅播出[64]，神戶嘅旅遊產業有咗好大嘅發展。喺1971年，神戶市電（日文：神戶市電）[65]被廢咗，取代佢嘅係喺1979年，神戶嘅第一條地下鐵綫開始行[66]，即係話神戶市內嘅交通發生咗好大嘅變化。1981年，港灣人工島第一期工程搞掂。神戶市喺工程搞掂之後就開咗個港灣人工島博覽會，嚟參觀嘅人多過1,610萬同埋賺咗多過60億日元，攞倒巨大嘅成功[67]。1985年，神戶開咗個世界大學生運動會[68]，搞咗個大型體育賽事更加提高咗神戶喺世界上嘅知名度。

1995年1月17日，喺神戶市近海發生咗阪神淡路大地震。神戶市入面部分地區嘅烈度去到7級，死者人數好多，有4,571人，災情非常嚴重[69]。地震雖然令神戶受到巨大的打擊，但係亦都代表神戶新嘅復興嘅開始。交通網絡嘅齊全係神戶震後復興嘅重要內容。明石海峽大橋嘅通車令到神戶市同淡路島之間嘅交通情況有大幅改進[70]。而神戶機場嘅開張令到神戶做咗一個有海空雙港嘅城市[71]。但係神戶嘅震後復興亦都有好多問題。例如長田等等因為地震嚴重受破壞嘅街區雖然喺震後推行咗都市更新事業，但係因為人口越嚟越少等等問題搞到開發事業企咗喺度。21世紀之後，神戶市喺2008年被聯合國教科文組織選做設計都市，係亞洲第一個攞到呢個殊榮嘅城市[72]。喺最近幾年，醫療產業已經發展做神戶新嘅重要產業[73]。神戶試圖發展除咗傳統嘅港口同工業之外新嘅支柱產業，令到神戶嘅經濟構造好多樣化。

教育

[編輯]
神戶大學六甲台本館

神戶嘅教育水準發達。2012年嗰陣，神戶市入面有150間幼稚園、172間小學、102間初中、56間高中同埋20間大學[74]。

人口

[編輯]
神戶人口數變遷

神戶一開始淨係得2.5萬人[75]，之後神戶嘅人口快速增加。1889年嗰陣，神戶已有人口約13萬人[75]。喺1920年日本第一次人口普查嗰陣，神戶嘅人口已經超過60萬，係當時日本人口第三多嘅城市[76]。1939年，神戶市人口超過100萬人[75]。二戰期間，由於美軍多次空襲令大量人口離開城市去農村避難，神戶嘅人口劇減至38萬人[75]。戰後隨住神戶市復興進程嘅進展，暫時走去農村嘅人口亦翻城市。1956年，神戶人口數再次超過100萬人。之後神戶嘅人口持續增加，喺1992年超過咗150萬人[77]。

體育

[編輯]
御崎公園球技場

神戶最受歡迎嘅職業體育運動係棒球同足球。雖然冇職業棒球球隊將佢嘅主場設喺神戶市，關西嘅兩大職業棒球球隊阪神虎同歐力士野牛都同神戶市有密切嘅關係。其中歐力士野牛更喺1991年至2004年期間將主場擺神戶。家下神戶綜合運動公園棒球場仍然係歐力士野牛嘅主場球場之一，每年都有幾場職棒賽事喺嗰度舉行[78]。神戶勝利船係神戶唯一嘅男子職業足球隊，而家重參加J聯賽嘅賽事添[79]。INAC神戶雌獅係日本女子職業足壇嘅豪強，曾多次攞到日本女足聯賽嘅冠軍[80]。

交通

[編輯]
神戶嘅鐵路網

睇埋

[編輯]

參攷

[編輯]
  1. ↑ 〈指定都市一覧〉。総務省統計局。喺2013-11-24搵到。（日文）
  2. ↑ 〈毎月推計人口〉。神戸市。原著喺2014-01-04歸檔。喺2014-01-23搵到。（日文）
  3. ↑ 〈京阪神都市圏の概要〉。国土交通省近畿地方整備局。喺2013-12-21搵到。（日文）
  4. ↑ 〈地方公務員制度改革についての提案〉 (PDF)。内閣府。原著 (PDF)喺2013-01-21歸檔。喺2013-11-19搵到。（日文）
  5. ↑ 〈「神戸」という地名の由来について〉。神戸の歴史や文化について知る。原著喺2015-03-08歸檔。喺2013-12-22搵到。（日文）
  6. ↑ 6.0 6.1 6.2 〈神戸の地形・地質〉。神戸市。原著喺2014-01-04歸檔。喺2013-12-21搵到。（日文）
  7. ↑ 〈神戸の歴史〉 (PDF)。神戸市。原著 (PDF)喺2014-01-04歸檔。喺2013-12-21搵到。（日文）
  8. ↑ 〈日本開港五都市【神戸市｜歴史】〉。日本開港五都市観光協議会。原著喺2014-01-04歸檔。喺2013-12-21搵到。（日文）
  9. ↑ 〈神戸市人口，震災前人口を超える〉 (PDF)。神戸市。原著 (PDF)喺2013-11-07歸檔。喺2013-12-21搵到。（日文）
  10. ↑ "Which Are The World's Cleanest Cities?". Forbes. 喺2013-12-21搵到.（英文）
  11. ↑ "Singapore is best place to live for Asian expatriates, ECA International's research shows". ECA International. 原著喺2014-01-04歸檔. 喺2013-12-21搵到.（英文）
  12. ↑ 〈六甲山歩モデルコース6 岡本から六甲山最高峰、有馬温泉へ〉。神戸市。原著喺2014-01-04歸檔。喺2013-12-21搵到。（日文）
  13. ↑ 〈温泉について〉。有馬温泉観光協会。原著喺2014-01-04歸檔。喺2013-12-21搵到。（日文）
  14. ↑ 〈西神ニュータウンはいま〉 (PDF)。神戸大学付属図書館。原著 (PDF)喺2013-02-04歸檔。喺2013-12-21搵到。（日文）
  15. ↑ 〈神戸北野ヒストリー〉。神戸北野異人館街。喺2013-12-21搵到。（日文）
  16. ↑ 〈神戸の埋立の歴史〉 (PDF)。社団法人地盤工学会。喺2013-12-21搵到。（日文）
  17. ↑ 〈ポートアイランド/神戸空港/六甲アイランド〉。神戸国際観光コンベンション協会。原著喺2014-01-03歸檔。喺2013-12-21搵到。（日文）
  18. ↑ 〈神戸の川マップ～神戸の川は主に4つのグループに分けられます～〉。神戸市。原著喺2014-01-04歸檔。喺2013-12-21搵到。（日文）
  19. ↑ 〈布引渓流〉。環境省。原著喺2013-01-05歸檔。喺2013-12-21搵到。（日文）
  20. ↑ 〈神戸の地質 ・ 地盤と被害の関係〉 (PDF)。神戸大学付属図書館。原著 (PDF)喺2014-01-04歸檔。喺2013-12-21搵到。（日文）
  21. ↑ 〈市域の概況〉。神戸市。原著喺2014-01-04歸檔。喺2013-12-21搵到。（日文）
  22. ↑ 〈大阪京都神戸、暑くない街は？～夏の暑さを比べてみた〉。All About。喺2013-12-21搵到。（日文）
  23. ↑ 〈六甲山地南麓における寒候期のおろし風の解析〉 (PDF)。日本大学。原著 (PDF)喺2014-01-04歸檔。喺2013-12-21搵到。（日文）
  24. ↑ 〈神戸の歴史探訪〉。神戸国際観光コンベンション協会。原著喺2014-01-04歸檔。喺2013-12-22搵到。（日文）
  25. ↑ 〈生田神社の紹介〉。生田神社。原著喺2013-12-19歸檔。喺2013-12-22搵到。（日文）
  26. ↑ 26.0 26.1 坂江渉 (2011)。《《神戸・阪神間の古代史》》。神戸市：のじぎく文庫。ISBN 978-4-343-00618-9。（日文）
  27. ↑ 〈国指定記念物（史跡）五色塚古墳〉。神戸市。原著喺2014-01-04歸檔。喺2013-12-22搵到。（日文）
  28. ↑ 〈瀬戸内海の歴史〉。瀬戸内・海の路ネットワーク推進協議会。原著喺2014-01-04歸檔。喺2013-12-22搵到。（日文）
  29. ↑ 〈平清盛と神戸　経ヶ島(きょうがしま)〉。神戸市。原著喺2014-01-04歸檔。喺2013-12-22搵到。（日文）
  30. ↑ 〈平清盛の夢の都「福原京」〉 (PDF)。近畿財務局。原著 (PDF)喺2014-01-04歸檔。喺2013-12-22搵到。（日文）
  31. ↑ 〈平氏伝説の旅 ～大輪田泊と、福原京から煙島まで〉。兵庫県立教育研修所。喺2013-12-22搵到。（日文）
  32. ↑ 〈神戸歴史年表　中世（室町・戦国時代まで）〉。神戸市文書館。原著喺2013-07-02歸檔。喺2013-12-28搵到。（日文）
  33. ↑ 〈兵庫津の道〉。神戸市。原著喺2014-01-04歸檔。喺2013-12-22搵到。（日文）
  34. ↑ 〈西区の歴史 ＞ 中世〉。西区。原著喺2014-01-04歸檔。喺2013-12-22搵到。（日文）
  35. ↑ 〈有馬の歴史〉。有馬温泉観光協会。原著喺2014-01-04歸檔。喺2013-12-22搵到。（日文）
  36. ↑ 藤岡ひろ子 (1983)。《《神戸の中心市街地》》。東京都：大明堂。ISBN 9784470550197。（日文）
  37. ↑ 〈神戸｜文明開化と国際都市神戸の誕生〉。JR西日本。原著喺2014-01-04歸檔。喺2013-12-22搵到。（日文）
  38. ↑ 〈西国街道〉。神戸市。原著喺2014-01-04歸檔。喺2013-12-22搵到。（日文）
  39. ↑ 神木哲男・崎山昌廣 (1996)。《《歴史海道のターミナル: 兵庫の津の物語》》。神戸市：神戸新聞総合出版センター。ISBN 9784875214854。（日文）
  40. ↑ 〈外交史料　Q&A　幕末期〉。外務省。喺2013-12-22搵到。（日文）
  41. ↑ 41.0 41.1 〈近代〉。神戸市。原著喺2013-12-13歸檔。喺2013-12-22搵到。（日文）
  42. ↑ 〈幕末から明治へ～兵庫津から神戸港へ～〉。国土交通省近畿地方整備局港湾空港部。喺2013-12-22搵到。（日文）
  43. ↑ 平岡昭利・野間晴雄 (2006)。《《地図で読む百年　近畿Ⅱ》》。東京都：古今書院。ISBN 978-4772230544。（日文）
  44. ↑ 〈居留地の運営〉。神戸旧居留地オフィシャルサイト。原著喺2012-05-10歸檔。喺2013-12-28搵到。（日文）
  45. ↑ 〈神戸歴史年表　明治・大正〉。神戸市文書館。原著喺2013-07-02歸檔。喺2013-12-28搵到。（日文）
  46. ↑ 〈トンネルはいつごろからあるの？〉。土木学会。喺2013-12-22搵到。（日文）
  47. ↑ 〈放香堂のこと〉。放香堂。喺2013-12-22搵到。（日文）
  48. ↑ 〈清涼飲料の歴史〉 (PDF)。全国清涼飲料工業会。原著 (PDF)喺2014-01-04歸檔。喺2013-12-22搵到。（日文）
  49. ↑ 〈神戸の水族館〉。神戸市。原著喺2014-01-04歸檔。喺2013-12-22搵到。（日文）
  50. ↑ 〈神戸ゴルフ倶楽部の誕生 - 歴史 100年の歩み〉。神戸ゴルフ倶楽部。喺2013-12-22搵到。（日文）
  51. ↑ 〈鉄道主要年表〉 (PDF)。国土交通省。喺2013-12-22搵到。（日文）
  52. ↑ 〈日本のジャズの発祥地〉。KOBE JAZZ CITY/神戸ジャズCITY委員会。原著喺2013-10-05歸檔。喺2013-12-22搵到。（日文）
  53. ↑ 〈神戸市の誕生〉。神戸市。原著喺2014-01-04歸檔。喺2013-12-22搵到。（日文）
  54. ↑ 〈年譜（明治・大正）〉。阪神電車。原著喺2013-10-05歸檔。喺2013-12-22搵到。（日文）
  55. ↑ 〈阪神間モダニズムの形成と地域文化の創造〉 (PDF)。奈良県立大学。原著 (PDF)喺2014-01-04歸檔。喺2013-12-22搵到。（日文）
  56. ↑ 56.0 56.1 〈神戸港の歴史〉。国土交通省近畿地方整備局港湾空港部。喺2013-12-22搵到。（日文）
  57. ↑ 〈東洋第一港 : 神戸港の歴史＝過去の計画と将来の施設＝天然の地形時代より設備の完全時代へ＝神戸は日本港湾の中心勢力＝神戸港ありての神戸市 : 神戸港の現在及将来〉。神戸新聞。喺2013-12-22搵到。（日文）
  58. ↑ 〈地域に密着した国際協力の拠点として〉 (PDF)。JICA。原著 (PDF)喺2013-01-23歸檔。喺2013-12-22搵到。（日文）
  59. ↑ 〈神戸の水害＞概要〉。神戸市。喺2013-12-22搵到。（日文）
  60. ↑ 〈神戸空襲の概要〉。神戸市文書館。原著喺2013-07-02歸檔。喺2013-12-22搵到。（日文）
  61. ↑ 〈神戸市 ふぉと あ・ら・かると／小特集1〉。神戸市。原著喺2014-01-04歸檔。喺2013-12-22搵到。（日文）
  62. ↑ 〈神戸ポートタワー開業50周年記念イベント開催〉。神戸市。原著喺2013-12-25歸檔。喺2013-12-22搵到。（日文）
  63. ↑ 〈神戸まつりの歴史〉。神戸まつり。喺2013-12-22搵到。（日文）
  64. ↑ 〈異人館について〉。旅に行き隊。喺2013-12-22搵到。（日文）
  65. ↑ 〈神戸市電・略史〉。神戸市。原著喺2010-11-07歸檔。喺2013-12-22搵到。（日文）
  66. ↑ 〈神戸市営地下鉄 開業〉。神戸鉄道資料館。喺2013-12-22搵到。（日文）
  67. ↑ 〈国内初の地方博「ポートピア'81」〉。神戸ポートアイランドまるわかりサイト。喺2013-12-22搵到。（日文）
  68. ↑ 〈神戸市 ふぉと あ・ら・かると／小特集2〉。神戸市。原著喺2014-01-04歸檔。喺2013-12-22搵到。（日文）
  69. ↑ 〈被害の状況 総論〉。神戸市。原著喺2014-01-04歸檔。喺2013-12-22搵到。（日文）
  70. ↑ 〈明石海峡大橋〉。JB本四高速。原著喺2012-01-11歸檔。喺2013-12-22搵到。（日文）
  71. ↑ 〈神戸港の歴史〉。神戸市。喺2013-12-23搵到。（日文）
  72. ↑ 〈アジア初！ユネスコのデザイン都市に認定〉。神戸市。原著喺2013-07-15歸檔。喺2013-12-23搵到。（日文）
  73. ↑ 〈神戸医療産業都市〉。神戸市。喺2013-12-22搵到。（日文）
  74. ↑ 〈平成25年度学校基本調査〉 (PDF)。神戸市。原著 (PDF)喺2014-01-04歸檔。喺2013-12-28搵到。（日文）
  75. ↑ 75.0 75.1 75.2 75.3 〈神戸の概況〉 (PDF)。神戸市。原著 (PDF)喺2014-01-04歸檔。喺2013-12-23搵到。（日文）
  76. ↑ 〈大都市の人口の推移－国勢調査結果から〉 (PDF)。京都市。喺2013-12-23搵到。（日文）
  77. ↑ 〈近代神戸略年表〉。神戸市。原著喺2014-01-04歸檔。喺2013-12-23搵到。（日文）
  78. ↑ 〈スタジアム〉。オリックス・バファローズ。喺2013-12-28搵到。（日文）
  79. ↑ 〈クラブ概要〉。ヴィッセル神戸。喺2013-12-28搵到。（日文）
  80. ↑ 〈ヒストリー〉。INAC神戸。原著喺2014-01-04歸檔。喺2013-12-28搵到。（日文）
  81. ↑ 〈神戸市営バス系統一覧〉。神戸市交通局。原著喺2014-01-04歸檔。喺2013-12-29搵到。（日文）
  82. ↑ 〈市バス車両について〉。神戸市交通局。原著喺2014-01-03歸檔。喺2013-12-29搵到。（日文）

參攷書

[編輯]
  • 石川義孝・金田章裕.(2006). 《日本の地誌8　近畿圏》. 東京都: 朝倉書店. ISBN 4-254-16768-7.
  • 平岡昭利・野間晴雄.(2006). 《地図で読む百年　近畿Ⅱ》. 東京都: 古今書院. ISBN 978-4772230544.
  • 坂江渉.(2011). 《神戸・阪神間の古代史》. 神戸市: のじぎく文庫. ISBN 978-4-343-00618-9.
  • 日本経済新聞社.(1998). 《日経都市シリーズ 神戸》. 東京都: 日本経済新聞社. ISBN 4-532-14655-0.
  • 藤岡ひろ子.(1983). 《神戸の中心市街地》. 東京都: 大明堂. ISBN 9784470550197.
  • 川越栄子.(2012). 《神戸地域学　神戸の魅力再発見！》. 岡山市: 大学教育出版. ISBN 978-4-86429-111-8.
  • 大国正美.(2013). 《古地図で見る神戸》. 神戸市: 神戸新聞総合出版センター. ISBN 978-4-343-00603-5.

出面網頁

[編輯]
開放街圖（Open Street Map）嘅標誌
喺開放街圖（Open Street Map）嘅神戶地圖。
維基同享有多媒體嘅嘢：
Kobe（類）
由「https://zh-yue.wikipedia.org/w/index.php?title=神戶&oldid=2189210」收