突破網絡審查

出自維基百科,自由嘅百科全書

 突破網絡審查粵拼dat6 po3 mong5 lok3 sam2 caa4 ,又叫做突破網路封鎖,簡稱破網,指網友兜過IP封鎖內容過濾功能變數名劫持之類嘅網路審查手段來上網。渠哋用嘅程式叫「破網軟體」

互聯網分散式設計,所以任何一組織極難完全控制渠。相應網絡審查技術發展,好多人砌咗啲簡單有效嘅突破封方法同程式。

背景[編輯]

破網技術嘅發明出於反對政府進行網絡審查封鎖。好似巴羅斯基先生(牛教創始人之一)認為網絡內容審查係侵犯人權,佢話:「睇到人哋粗暴咁侵犯人權,嚴厲嘅網路管制,我決定用自己嘅業餘時間,開發對等網絡系統Peekabooty,並開放源代碼,畀大家都用,同埋改進突破呢種封鎖。」

早期嘅工具,都係改進普通代理工具。當時重未有內容同網址過濾,只要找到合適嘅普通代理,喺瀏覽器裏面設置代理伺服器同埠,基本上就可以暢通無阻。當時嘅工具基本係擅長於代理嘅搜索、校驗同埋動態切換,比較有代表性係「代理獵手」同埋「MultiProxy」等。目前對較小影響嘅網站,應用呢類工具快捷方便。

2002年左右喺中國大陸用咗關鍵字過濾後,各種加密代理亦都應運而生。其中比較出名係SSL加密頁面代理,佢能夠將其他網站嘅內容拎過嚟,然後用SSL加密傳畀用戶。用戶用咗加密代理,就能夠瀏覽其他各種被審查封鎖嘅網站,而所有資訊都係加密傳輸,包括網址URL

此外,利用服務端同用戶端軟件,自己定義加密手段,將服務端軟體安裝喺海外,就可以用用戶端軟體加密咁瀏覽海外資訊。隨住各種加密代理嘅成熟,它們互相之間亦都開始吸取各自嘅長處,有些甚至喺易用性上進展很大,做到用戶點擊運行,就可以自由瀏覽嘅程度。

技術[編輯]

突破網路審查多數係用網路代理技術,通過同第三方能夠正常訪問審查內容嘅節點建立加密或未加密嘅連接,間接訪問審查內容。但亦有少數係通過電子郵件等方式獲得封鎖資訊。

  • 代理伺服器(Proxy),虛擬私人網路VPN翻牆)
    • 標準代理伺服器
    • 使用非常用埠嘅代理伺服器
    • Socks 代理
  • 特殊代理,網絡通道工具
  • 使用Shell
  • 使用基於瀏覽器嘅代理伺服器
    • 標準網頁代理伺服器 Standard Webproxies
    • 加密網址嘅網頁代理伺服器 Webproxies with encrypted URL's
    • 使用安全SSL連接嘅網頁代理伺服器 Webproxies on a secure SSL-connection
    • 標準CECID代理伺服器
    • 使用安全SSL連接嘅CECID代理伺服器
  • 翻譯工具,包裝工具等
  • 用電郵獲取被限制嘅網頁
  • 用特殊嘅點對點程式

相關軟件[編輯]

運用SSL頁面代理嘅主要係有動態網、代理看世界等,嚴格意義上通過Web代理,而唔係軟件,不過,而家佢哋都有方便嘅用戶軟件畀大家用。

好多破網軟體都用咗加密代理技術,採用呢種技術嘅包括safeweb花園軟體無界流覽自由門等。呢啲軟件經過開發者嘅不斷創新,已經簡化到,一打開軟件就用得,而唔使改瀏覽器嘅任何設置。瀏覽器嘅訪問網頁請求,被呢啲程式自動透明咁處理,包括自動搜尋最快最安全嘅代理伺服器、加密網址同網頁內容等。

此外,重有最新一代SOCKS5加密代理服務軟件Tor,運用特殊代理同埋通道SSSOFlat等,後者操作較複雜,適合具備一啲知識嘅用戶用。

亦都有部分軟件係基於P2P技術。好似自由網英文Freenet,呢個係用Java寫嘅跨平台軟體,由各個Freenet機器分享硬碟空間、頻寬,自成一體為可匿名發佈資訊嘅網路,但由於同原有WWW網路無法溝通,加上訪問速度緩慢,使用者較少。

多數破網軟件都具備反功能變數名稱劫持功能。

MultiProxy[編輯]

MultiProxy係一個多功能個人代理伺服器,用戶響連線上網嗰陣,能夠保護使用者嘅私隱,以及透過存取不同嘅代理伺服器而提高下載速度。MultiProxy亦包括免費發佈嘅匿名代理伺服器,可以喺下載來自海外比較慢嘅檔案嗰陣自動調適,令網路嘅頻寬得以盡用。

花園網[編輯]

花園軟體(Garden)、花園透明代理(Garden G2)

無界網路[編輯]

無界流覽(Ultrasurf)、無界漫遊(Ultrascape)

動態網自由門(Freegate)、動網通(Dynapass)


Torpark[編輯]

Torpark係一款集成Firefox同Tor嘅瀏覽器,全自動代理,安裝後唔使做特別設置就用得。

Tor

Torr嘅全稱係「The Onion Router」,號稱係「An anonymous Internet communicaton system」。佢針對現階段大量存在嘅流量過濾、嗅探分析等工具,喺JAP之類軟體基礎上改進,支持Socks5,並且支援動態代理鏈(通過Tor訪問一個位址嗰陣,所經過嘅節點喺Tor節點群裏面隨機挑選,動態變化,由於兼顧速度同安全性,節點數目通常係2-5個),因此難於追蹤,有效保證安全性。另一方面,Tor 嘅分散式伺服器可以自動獲取,所以省卻咗搜尋代理伺服器嘅精力。

Google公司嘅產品

Google Secure Access(提供安全嘅無線聯網)、Google Web Accelerator(提高上網速度嘅Proxy軟件)都曾經喺一段時間裏面,實現咗破網嘅效果,不過而家都唔可以用嚟破網。

睇埋[編輯]

出面網頁[編輯]