墨筆

筆

戰國毛筆

羽毛筆

筆，書寫架生，染墨水染其他色水喺啲表面上，寫又得，畫又得。表面大多數講紙。用來揸手部份叫筆桿，又或筆身，大多數長而幼，染墨嗰端叫筆嘴，視乎筆種各有唔同。

筆古時寫聿，說文話「筆，從竹從聿。」又話「聿、所以書也。楚謂之聿、吳謂之不律、燕謂之弗。」甲骨文就有聿字，上手揸桿，桿端叉開寫。係咪毛筆好難講，皆因原形可以破散竹頭。現存出土毛筆實物戰國時，當時毛用綫紥喺杆上。秦時毛筆改良，毛套入中空竹桿，有蒙恬造筆講法。之不過，安陽殷墟陶片，有毛筆筆蹟，尤其白陶上祀字，可以推斷商時有毛筆。

英文叫筆做pen，字典講法，長而幼，用墨來畫寫，毛筆、畫筆都合定義，不過一般專稱brush。十三世紀時寫penne，當時解為畫寫工具，羽毛空心硬梗，底尖醮墨寫，出自古法文pene，拉丁文penna，都講羽毛，英文古時講筆，即羽毛筆。鉛筆木顏色蠟筆粉筆粉彩等唔用墨，就唔睇成pen。不過無絕對，有時唔用墨都叫pen。

西歐舊石器時代，洞穴壁畫，就有用好似種方法上色，當中有類似毛筆筆觸，雖則並唔知實際工具。

好早有蘆葦筆，同羽毛筆原理相似。近世又有墨水筆，依家好少用。

現今多數筆都自動上墨。至常用原子筆，筆頭有珠轆住上墨。一九四〇年發明箱頭筆，主要用來標記，自此就有唔同水筆，螢光筆、喱哩筆都由佢衍生。日本又有科學毛筆，亦會自動上墨。