紅專廠
紅專廠（粵拼：hung4 zyun1 cong2；英文：Redtory）係中國廣東廣州嘅其一創意藝術園區，2009年開園，位置喺天河區員村，西靠程界西村；南靠臨江大道；東靠海星苑；北靠程界東村。
佢既係集美組屬下嘅大型文化創意產業園，又係廣州第一間非房地產包裝嘅真正意義創意園區。喺開園之前屬廣州鷹金錢食品廠嘅工廠所在地，入面啲建築屬1950年代啲前蘇聯風格。
名
[編輯]呢個園區嘅中文名出自廠區入面整咗好多紅磚建築，其中「專」字出自「磚」嘅粵語同音字。而英文名出自「red」同「factory」呢兩個單詞結合形成嘅新詞。
概況
[編輯]呢間嘢之前係1958年成立嘅廣東罐頭廠，後嚟改咗名做廣州鷹金錢食品廠。喺投產期間，曾經試過有「亞洲最大嘅罐頭廠」稱呼，入面成日用廣東地區出產啲生菓、蔬菜同水產字樣嚟出罐裝食品賣到中國大陸同海外其他地方。尤其係1970～1990年代賣到周街都係嘅「罐裝豆䜴鯪魚」就係呢間工廠出嘅。2008年9月，由於廠區入面啲建築同結構已經逐漸唔啱而家大型現代化機械生產，加上嗰時廣州地區實行「退二進三」政策，工廠亦決定將廠房搬到從化一帶繼續生產任務[1]。
工廠搬走之後，雖然用地好早俾天河區人民政府收返用嚟發展金融城，但實質上嚿地皮俾鷹金錢工廠睇實[1]。直到2009年集美組開始同鷹金錢工廠簽約，好快接手呢間工廠，重將呢個廠區改造成以互聯網科技、餐飲做主題嘅創意園而正式對外開放。
攷
[編輯]
- ↑ 1.0 1.1 〈广州创意园陷入"集体焦虑" 红专厂曾获承诺十年不变〉。《信息时报》。赢商网。2013-04-14。原著喺2020-03-28歸檔。喺2017-11-17搵到。