鷹金錢
| 類型 | 罐頭食品廠 |
|---|---|
| 開檔 | 1893年 |
| 總部地址 |  中國廣東廣州天河區黃埔大道西100號B棟1901～1905房 |
| 產業 | 罐頭食品企業 |
| 產品 | 豆豉鯪魚 |
| 網址 | http://www.eaglecoin.com |
鷹金錢（粵拼：jing1 gam1 cin4）係中國廣東廣州一罐頭食品廠商，1893年成立，總部位置喺天河區黃埔大道西100號（富力盈泰廣場入面）B棟1901～1905房；工廠喺從化太平場工業大道13～15號（從化經濟技術開發區入面嘅雅芳工廠隔籬）。間嘢主要出罐頭食品為主，尤其係佢屬下嘅豆豉鯪魚產品喺廣州街頭比較出名。
史
[編輯]- 1893年：工廠成立，早期嗌廣茂香罐頭廠。
- 1912年：喺香港註冊咗商標。原先嘅廣茂香罐頭廠重組，一分為二成廣奇香罐頭廠同廣利和罐頭廠。
- 1955年：因公私合營，廣奇香罐頭廠同廣利和罐頭廠重新合併，重組成廣奇香罐頭廠。
- 1956年：廣東罐頭廠正式喐手起，嗰時成為蘇聯（1992年解體）同中國大陸搞經濟合作嘅165個緊要項目之一，亦做咗中國大陸一五計劃當中喺廣東搞嘅大型企業之一，地址揀咗喺郊區員村近住珠江邊一帶（而家係天河區嘅紅專廠所在地）。
- 1958年：喺員村入面工廠正式起好兼投產，嗰時成為咗亞洲最大嘅罐頭工廠。
- 1960年：廣東罐頭廠收購咗廣奇香罐頭廠而繼續生產。
- 1984年：成為廣東第一批攞到自營進出口嘅企業。
- 1994年：公司改名做鷹金錢企業集團。
- 1998年，公司陸續將亞洲汽水廠、廣州糖果廠、嶺南餅乾廠、羊城食品公司等十幾間飲料企業吸收合併咗。
- 2008年：因廣州市城市發展規劃搞「退二進三」工程，原先喺員村嘅工廠搬到從化太平鎮一帶繼續搞。同時亦喺茂名電白同四川南充嗰邊搞咗戰略合作，出咗海魚同肉類罐頭嘅生產聯盟。
- 2016年：為咗實現十三五發展規劃，喺廣東海寶罐頭食品搞咗增資擴股項目。
- 2021年：香港消費者委員會檢測驗出一罐「鷹金錢」金獎豆豉鯪魚嘅鈉含量達880毫克，相等於世界衞生組織建議成年人每日攝取鈉上限（2,200毫克）嘅4成。[1]