紅磡站列車出軌
紅磡站列車出軌係2019年9月17號喺香港港鐵紅磡站附近發生嘅一次鐵路列車出軌。
事件經過
[編輯]嗰日朝早8點30分左右，一班原定經旺角東站開去紅磡站1號月台嘅港鐵東鐵綫L094次列車，喺就嚟到站嘅時候，第四至第六卡車廂出軌，事故中共有8名乘客受傷。
出事列車
[編輯]出事嘅列車係港鐵東鐵綫嘅「都城嘉慕電動列車」，喺1983年開始用，並且喺1997年做過中期翻新工程。
涉事的列車往紅磡方向嘅車卡組合係：（E81編組）181-281-581-613-213-513-630-230-430-621-221-321（E21編組），其中613、213、513車卡出軌。
路軌損毀
[編輯]事發後，港鐵嘅職員發現紅磡站附近有幾處路軌出現損毀或有裂縫：
- A0+476，近5111點（上行線路軌出現30毫米斷裂，事發時係513及630車廂交接處）
- A0+506，近5112點（上行線路軌出現磨損）
- A0+532，近5114點（渡線路軌出現30毫米斷裂，事發時乃430頭等車廂駛經）
事發後
[編輯]事發後東鐵綫紅磡站至旺角東站一段停駛，落馬洲站開嘅班次縮到大埔墟站，城際直通車服務暫停。港鐵亦提供接駁巴士來往大圍站同鑽石山站。康莊道南行部份行車線要封閉嚟幫手搶修。
9月18同19號，由於紅磡站1號月台用唔到，港鐵安排一半羅湖站開嘅東鐵綫班次用4號月台，一半班次只去到旺角東站，有啲城際直通車班次取消。
陰謀論
[編輯]由於事發地點鄰近有「永別亭」之稱嘅紅磡市立殯儀館，故此坊間傳言有「831鬼魂」影響鐵路系統運作而令火車出軌[1]。
攷
[編輯]- ↑ 奶茶妹 (2019年9月17號)。〈【港鐵出軌】紅磡站七個小秘密 位於龍脈上？有列車專門運棺材？｜香港01｜開罐〉。香港01。原先內容歸檔喺2019年9月20號。喺2020年1月28號搵到。