紙紮藝術

紙藝紮作 - 中秋節楊桃燈籠

紙紮藝術，又叫做紙藝紮作，簡稱紙紮，係一種中華文化、中國傳統、民間手工藝。紙紮祭品係常見嘅製成品之一，整嚟燒畀先人，等佢哋嚮下面地府有得亨受。

除此之外，紙紮藝術重可以整出多姿多彩嘅中秋節燈籠，畀細路仔過節有得玩洋燭、點燈籠。其實，以前嘅古時日常用嘅燈籠，未嘗唔係紙紮用品。

再者，嚮2008年夏季奧林匹克運動會8月比賽期間，香港區議會都紙紮咗幾隻吉祥物福娃 - 貝貝、晶晶、歡歡、迎迎、妮妮，同埋盛裝舞步馬匹等，放嚮各大公園門口，表示熱烈慶祝呢件體壇盛事，佢哋都係「紙紮手工藝術製品」。

重有，小學生勞作堂，老師教學生用竹條、漿糊同埋白色紙條紮埋一齊，外面再點七彩嘅花紙。呢啲勞作工藝都叫做「紮作藝術」，又叫做「紙紮藝術」。