紙紮祭品

出自維基百科,自由嘅百科全書
Jump to navigation Jump to search
紙紮祭品 - 別墅
紙紮點心

紙紮祭品,係用嚟燒畀已經仙遊咗嘅陰間用嘅紙祭品。陰間用嘅陰司紙金銀衣紙以及壽衣……等,統稱做冥鏹

紙紮祭品通常係要用到枝,將佢紮成物品嘅外殼形狀,然後用唔同需要而剪裁出嚟嘅油,填舖喺藤枝與藤枝之間,等佢喺外觀上望落去同實際物品相似。因為藤枝可以任意扭曲,可以隨意造型,所以紙紮祭品嘅種類可謂包羅萬有,好似有可以畀先人用嘅紙紮大傭人……等等;隨住時代嘅進步同埋娛樂嘅「需要」,甚至係有晒144隻紙造嘅麻雀牌天九、唔同型號嘅手提電話遊戲機手提電腦……等,重可以訂造汽車遊船飛機電視、音響器材呢啲大型少少嘅紙紮祭品畀先人用。香港已故著名歌影藝人梅艷芳出殯嘅時候,佢班徒弟更特登訂造咗一個紙紮嘅大舞台,足足有成張乒乓波咁大,等佢哋嘅師父可以喺另一世界都可以開吓演唱會,過吓表演癮。又例如馬壇名宿董驃過身,親友特登訂造一個馬場畀佢繼續策馬揚鞭。

紙紮祭品亦都係要通過燃燒先至可以傳到先人手上。(參考冥鏹

因為唔同祭品嘅製造過程都唔同,有好多紙紮祭品重要用到好高手工去整,所以價錢亦都有所唔同;當然越係大型同複雜嘅紙紮祭品,佢嘅價錢一定會更加高。

小型嘅紙紮品可以喺一般嘅香燭用品店(俗稱紙紮舖)買到,至於一啲大型而且複雜嘅紮作祭品,就要搵識得呢門手工藝嘅師傅或者舖頭訂造。