綜述文

綜述文（英文：review article）係學術文嘅一種，指篇文寫嚟係想總括有關某個課題嘅學術文獻嘅。

啲人會寫綜述文，通常都係因為佢哋研究緊嗰個課題累積咗好大柞研究：啲學者研究一個課題就會出文獻，出到咁上下就會累積咗一大柞文，呢柞文資訊量大，搞到做呢範研究嘅人覺得係時候要整理吓手上嘅知識，於是就寫篇綜述文，喺文入面講吓研究緊個課題有邊啲主要嘅概念、相關嗰啲實驗大致上搵到啲咩結果、仲有係（基於呢啲結果）覺得做呢範嘅研究者跟住落嚟應該做咩研究... 呀噉。喺學術研究上，綜述文好多時都好受注目^[1]。