元分析

元分析（英文：meta-analysis）係統計學上一種「分析嗮已知嘅研究」嘅分析：科學好睇重嘅一樣嘢係一個結果有冇再現性，即係「唔同人做同一樣嘅研究係咪都會得出相同嘅結果？」呢條問題。

元分析嘅做法大致上如下：

• 搵出要研究嘅問題，即係「研究嘅係咩變數」；
• 搵出有用實際數據嚟研究過呢柞變數之間嘅關係嘅研究論文；
• 篩選啱用嘅研究，例如可能研究者淨係想睇攞後生仔女（年齡 $<30$）做樣本嘅研究；
• 用元分析上會用嘅指標，計出「睇嗮呢柞研究，總體上嘅結果係點」。例如以下條式係考慮效應值嘅計法：

  $\delta ={\frac {\mu _{t}-\mu _{c}}{\sigma }}$，當中

  • $\mu _{t}$ 係綜觀柞研究啲實驗組嘅平均值，$\mu _{c}$ 係綜觀柞研究啲對照組嘅平均值，而 $\sigma ^{2}$ 係整體嘅變異數。

喺實際嘅科研上，啲研究者好興响針對某個課題研究咗一大輪之後就做元分析，並且按元分析嘅結果嚟決定要信邊個結果。

睇埋

• 綜述文