知識份子

幾位歷史上嘅知識份子：
阿里士多德（左上）、王維（右上）
培根（左下）、白沙先生（右下）

知識份子（粵音：zi3 sik1 fan6 zi2；英文：Intellectual）泛指一類人群，佢哋嘅特徵係有興趣追求知識，會對人類諗嘅嘢作出批判。佢哋通常喺教育、科學、文化或者藝術領域有專業背景，做嘢嗰時以思想同理論為主要活動。

特徵

睇埋：知識、學者、創新同智商

同「學者」比起嚟，知識份子係一隻定義比較含糊嘅字詞。知識份子唔一定喺學術界做嘢，甚至唔一定持有高等嘅學位。知識份子嘅特徵包括教育程度高、批判思維、以及關注公共事務。佢哋通常有能力將複雜嘅概念簡化，方便公眾理解，同時亦具備分析問題同尋找解決方案嘅能力。

知識份子好多時都被視為社會進步嘅推動者，因為佢哋致力於分析問題，提出新嘅思想同解決方案。例如佢哋會透過寫作、演講或者媒體，討論經濟同文化議題，影響公眾意見。同時，知識份子往往強調批判思維，促進社會變革。

批評

睇埋：象牙塔

Some ideas are so stupid that only intellectuals believe them.
粵譯：有啲諗法愚蠢到只有知識分子先會信。

知識份子亦受到唔少批評。例如，有人認為知識份子諗嘅嘢過於抽象同理論化，脫離實際生活，未必能真正解決社會問題。另外，亦有人批評知識份子可能傾向精英主義，忽視普通人嘅意見同需要。

睇埋

• 學術研究
• 學術寫作
• 哲學家
• Intellect