名次

出自維基百科,自由嘅百科全書
跳去: 定向搵嘢

名次係一個列舉項目嘅方法,佢係用某個特定嘅準則,去將一喳或者序數嚟排列,通常係用「第 1」、「第 2」、「第 3」,一路咁排落去,用嚟比較佢哋。

其他叫法[編輯]

頭嗰名好多時會分別被稱為冠軍亞軍季軍殿軍。最後嗰個好多時都畀人叫做包尾或者「la-屎」(英文「last」嘅譯音)。所以由尾數上來,順住來,就叫包尾、尾二(讀「may倚」)、尾三、尾四,如此類推。

另外,第 2 名嗰個有時會畀人形容為「屈居亞軍」;而第 4 嗰個有時會叫「梗頸四」。

幾時會用[編輯]

名次呢家嘢成日都會用到,因為啲人好多時都會攞啲嘢或者人嚟比較,以下呢啲係一啲常見嘅例子

比賽或者遊戲
  • 有時個名次未必係用嚟直接決定邊個贏,而係決定邊個可以入圍,或者掉翻轉嚟講,就係決定邊個出局,例如喺世界盃足球比賽入面,喺分組賽嘅階段就係睇每得分嚟決定邊隊有(冇)得留低。
  • 有啲時候,個名次喺比賽過程入面只係用嚟參考,要去到某一個位個名次先至有意義。例如好多人玩鋤大D嗰陣,會一路記低每個人嘅失分,到有人輸到某個數(即係包尾嗰個),嗰個人先至為之輸咗。
學校嘅成績
老細評估員工
  • 好多時,啲老細會睇番每個員工嘅表現,嚟決定邊個有得升職、加人工或者畀人炒魷魚,呢樣嘢有時就係靠比較 / 排名次嚟決定。
資料統計
  • 統計得嚟嘅名次未必有特定用途,但呢樣嘢都經常會有人做,用嚟畀有需要嘅人參考,例如全球國家面積一覽表,邊個行星大啲,都好常見。

排名嘅準則[編輯]

個準則喺唔同嘅情況下會有好大分別,例如比賽嗰陣,好多時會用數字嚟睇得分,從而決定名次;喺公司入面,可能係靠個老細自己主觀嘅評估。

就係因為啲準則可以咁唔同,啲人喺唔同嘅場合會採取唔同嘅策略,先至可以令到自己「贏」到其他人。

同名次[編輯]

如果咁啱多過一個計出來係一樣,咁就會有幾種排:

睇埋[編輯]

啲人排名次嘅例子: