敏感度分析

敏感度分析，參見英文：sensitivity analysis，係統計模型相關嘅工作，可以理解為做測試，睇下得出嘅結果對假設改變有幾敏感：用統計分析製作模型嘅過程中，往往都會假設咗好多嘢，例如係假設啲數據無誤，又或者係假設個變數跟從某啲概率分佈呀噉，但呢啲假設未必完全可接納；做敏感度分析，就係睇下如果啲假設唔成立，個模型係咪依然企到喺度，如果即使冇咗嗰個假設，都仲係搵到相同嘅結果，分析者就更加有信心覺得個模型係靠得住嘅；反之如果假設唔成立，結果就出現大變，就表示個結果對假設成立與否好敏感。