量度不變特性

量度不變特性（英文：measurement invariance）係統計學上做多組分析（multigroup analysis）嘅結構方程式模型嗰陣會用到嘅概念；如果話一個量度（例如係智商測試等嘅心理測驗）具有量度不變特性，即係話喺分析緊嗰幾組之間個量度所度緊嘅概念並冇差異。舉個例說明，想像家陣有個心理學家，喺幾個唔同國家嗰度用一個心理測驗做咗份研究，但佢擔心唔同文化嘅人會對個心理測驗嘅問題有唔同理解，於是就做一個多組分析，每組係一個國家嘅受試者，再同每組都做一個因素分析，睇吓唔同組喺因素結構上係咪一樣。