老爺嶺

出自維基百科,自由嘅百科全書
Jump to navigation Jump to search

座標: mountain 43°55′N 127°11′E / 43.917°N 127.183°E / 43.917; 127.183

老爺嶺
海拔 1284.7米[1]
位置 中國吉林省吉林市

老爺嶺粵拼lou5 je4 ling5*leng5)係位於中國吉林東部嘅山脈,喺吉林市,係蛟河永吉舒蘭嘅界。佢亦有部分伸入黑龍江嘅東南部,係長白山嘅支脈。老爺嶺嘅走向係西南—東北走向,西面去到鏡泊湖牡丹江流域,東面去到穆棱河谷。長度約200公里,闊約30公里,總面積約3.26萬平方公里,海拔約喺600到1000米之間,山體主要由新生代玄武岩構成[2],最高1284.7米[1]

老爺嶺嘅黑龍江部分開闢咗自然保護區,叫做老爺嶺東北虎國家級自然保護區,呢度生活住東北虎,係國家保護動物,野生東北虎都幾珍稀,所以劃做保護區來畀佢哋棲息[3]。近年來啲監測顯示,老爺嶺嘅野生東北虎開始活躍,所以政府打算將老爺嶺劃入「東北虎豹國家公園」嘅建設計劃[4]。老爺嶺森林豐富,呢度開設有林場來開採林木資源,另外亦有礦產,有。而喺吉林蛟河市境內,就喺1990年開闢咗老爺嶺風景區畀人觀光[5]

[編輯]

老爺嶺嘅名有兩種講法[5]

  • 係滿文地名,漢文寫音叫「拉顏」(滿文ᠯᠠᠶᠠᠨ穆麟德layan普通話拼音:Lāyán),「老爺」(普通話拼音:Lǎoyé)係佢嘅官話轉音。滿文名嘅意思係「枯山」[6]
  • 有個道士喺半山起咗間關帝廟,啲人嗌間廟叫老爺廟,座山嶺因廟而得名。

老爺嶺嘅山名係康熙二十八年(1689年)定名嘅[5]

位置[編輯]

老爺嶺喺吉林嘅東部,西面係吉林盆地、舒蘭盆地,東面係蛟河盆地,係拉法河同第二松花江右側支流嘅分水嶺。佢向東北延伸,喺蛟河盆地北面接住張廣才嶺,南面嘅延伸過咗松花湖,會到吉林哈達嶺。老爺嶺係長白山系嘅一部分,夾埋啲餘脈,長度好長,可以從牡丹江上游去到完達山,所以係牡丹江同穆棱河呢兩支水系嘅分水嶺。

地貌[編輯]

山地高程大抵係中高,啲山頂偏圓鈍,海拔喺六百到一千米之間[2],相對高度600米以上,北部嘅山勢低緩啲。主要山峯有老爺嶺峰、康大砬子、楊木大頂子,佢哋嘅海拔都喺一公里以上。山地南部係松花湖地區,比較高大,樹亦好密。成個山勢就係南高北低。

因爲老爺嶺周圍有水流,係個分水嶺,所以啲峽谷畀水系切割,形成深峻嘅河谷[2]。老爺嶺山體岩石主要係玄武岩,喺新生代時因爲岩漿噴發而形成,噉係由於地質上造山運動令地質活動活躍,火山活動強烈,呢個同成個長白山系嘅形成有關。之後因爲當地降水豐富,流水侵蝕,形成各類河谷地、盆地[7]

地質[編輯]

老爺嶺嘅西面係伊舒地塹,東面係蛟河盆地(斷陷盆地),受北、東北向嘅斷裂帶控制。佢係斷塊山地,華力西期同燕山期花崗岩係佢嘅主體。局部山體由二疊系變質岩、侏羅系火山岩組成,喺新構造運動中明顯上升。

氣候[編輯]

老爺嶺山區年均溫喺2.3℃~3.5℃,無霜期126日~138日,凍啲山區無霜期100日左右;年均降水量530毫米[2]

[編輯]

  1. 1.0 1.1 "吉林省海拔千米以上高山排名,你家鄉的山排第幾?". 每日頭條. 2018年1月15號. 喺2018年3月6號搵到. 
  2. 2.0 2.1 2.2 2.3 黑龍江省地方誌編纂委員會 (1998年). 《黑龍江省志·地名錄》. 黑龍江人民出版社. 
  3. "中國新增21處國家級自然保護區". 網易新聞. 2014年12月23號. 喺2018年3月6號搵到. 
  4. "黑龍江老爺嶺野生東北虎豹進入有監測以來最活躍年". 新華網新聞. 2016年12月5號. 喺2018年3月8號搵到. 
  5. 5.0 5.1 5.2 可查中國國家地名信息庫 互聯網檔案館歸檔,歸檔日期2019年5月14號,.。
  6. 栗林均、呼日勒巴特爾【編】. 《御製滿珠蒙古漢字三合切音清文鑑》(排印本). 日本東北大學東北亞研究中心. 
  7. 吉林省地方誌編纂委員會 (1996年). "第二章 地貌 第五節 地貌分區". 《吉林省志·自然地理志》. 吉林人民出版社.