扒
(由肉扒跳轉過嚟)
想搵煮食方法嘅話，請睇扒 (煮食方法)。
扒，係食得嘅塊狀肉，用燒同煎炸等嚟煮熟，就咁食或者加汁。多人食嘅有牛扒、豬扒同雞扒。
名
[編輯]英文嘅「steak」就多數解牛扒，解其他扒，會加嗰樣嘢嘅名，好似劍魚扒、鹿肉扒噉。
唐字名叫「肉排」，意思係排骨嘅肉。上海係中國其中一個比較早有西餐食嘅地方，而上海話嘅「排」同粵語嘅「扒」差唔多音，所以由上海傳到廣東嗰陣，粵語就變咗叫「肉扒」，譬如叫「牛排」做「牛扒」。（考：上海吳語「排」聲母唔送氣、讀陽去調而調値如粵語陽上調，汀州（福建、三明、寧化、龍岩、長汀）、廣東（廣州、從化、韶關、新豐、清遠、連南、揭陽、揭西）、廣西（玉林、北流）客家話「排」聲母送氣、讀陽平調而調値如粵語陰上調。）[1][2]