育瑟夫·明基勒

出自維基百科,自由嘅百科全書

育瑟夫·明基勒德文Josef Rudolf Mengele 1911年3月16號1979年2月7號),係納粹德國黨衞隊奧斯威辛集中營嘅一名軍醫。明基勒係負責篩選當時被運抵集中營嘅囚犯嘅醫生之一,負責裁決將囚犯送去毒氣室殺死定係強制佢地從事勞動,並且對集中營嘅人做殘忍同唔知點嘅科學價值嘅人體實驗;打完仗之後,佢先係用假名匿喺德國,然之後走咗去南美洲,直至佢喺巴西意外浸死,對佢嘅遺體做DNA測試先確認佢嘅身份。

生平[編輯]

早期經歷[編輯]

1911年3月,育瑟夫·明基勒喺德國拜仁州捐茨堡(Günzberg)出世[1],老竇老母分別係卡爾同禾柏嘉·明基勒[2]。明基勒響慕尼黑大學哲學人類學嗰時話法西斯主義係佢生活中嘅決定性因素[3],佢敬仰呢個政治概念,令佢將醫學知職同政治取態融合,作為佢嘅研究同職業選擇。

明基勒喺佢發佈嘅「四個種族嘅下顎種族形態學研究」(德文Rassenmorphologische Untersuchungen des vorderen Unterkieferabschnittes bei vier rassischen Gruppen)呢篇博士論文入面提出咗,一個人嘅種族可以由下巴嘅形狀識認[4];納粹組織見到明基勒嘅研究之後,響1943年5月調派佢去奧斯威辛集中營[5]

奧斯威辛集中營[編輯]

明基勒喺波蘭嘅奧斯維辛集中營擔任軍醫,佢執掌生殺大權,可以決定送去營區嘅猶太人係要送去毒氣室殺死定係強制佢地從事勞動,因此人稱「死亡天使」[6]。明基勒盡可能消滅唔能夠勞動嘅人,又用活人進行「改良人種」嘅試驗,有大約四十萬人死喺佢手下。佢曾經迫受害者接受藥物注射,試圖改變佢地對嘅顏色或者令佢地絕育;佢重喺活人身上接種病毒細菌,並喺無麻醉嘅情況之下同佢地截肢同移除器官[7]

紀念[編輯]

2005年3月,一座為紀念納粹受害者而設立嘅雕塑響育瑟夫·明基勒嘅家鄉落成,呢座雕塑上面嘅銘文寫住:「無人可以將佢自己同民族嘅歷史切割。一個人唔應該亦都唔可以俾歷史沉睡,否則歷史會重演,並且成為現實嘅一部分。」;銘文四周圍有好多對喊緊同嚇親嘅眼,提醒尐人唔好忘記二戰期間納粹嘅種種暴行[7]

參考[編輯]

  1. 史蒂芬·坎夫同彼得·卡勒斯. 粹醫師的一生與罪行The Life and Crimes of a Nazi Doctor. 時人雜誌. 原著喺2009年2月14號歸檔. 喺2014年7月2號搵到.
  2. 路易斯·布蘿,死亡天使約瑟夫·門格勒,2008-12-16查閱
  3. Lynott, Douglas B. "Dr. Josef Mengele". The Crime Library BUG. 原著喺2008年4月11號歸檔. 喺23 March 2008搵到.
  4. Wyschogrod, Edith (2006). Crossover Queries: Dwelling with Negatives, Embodying Philosophy's Others. Fordham University Press. ISBN 0-8232-2607-7.
  5. "Josef Mengele". United States Holocaust Memorial Museum. 喺23 March 2008搵到.
  6. Levy 2006, p. 242.
  7. 7.0 7.1 「納粹屠夫門格勒家鄉設二戰受害人紀念碑」報導