艇仔粉，又叫粉艇，係指香港南區香港仔一樣特色嘢食，喺隻艇上面煮同賣嘅河粉。呢啲艇本嚟係服務香港仔艇家嘅水上人，近年就唔定時泊喺香港仔海濱公園賣畀本地同外地遊客。
艇仔粉會用魚湯做湯底，譬如梭羅、九棍等，再落大地魚調味。餸菜選擇都有唔少，包括叉燒、切雞、燒鴨、紅腸等燒味（舊時自己燒，而家由岸上燒味舖攞貨），同自家整嘅魚片、魚蛋，同自家炆嘅牛腩等等。
賣艇仔粉嘅艇
