白切雞

出自維基百科,自由嘅百科全書
(由切雞跳轉過嚟)
白切雞
白切雞配以白飯薑蓉,叫做切雞飯

白切雞粵拼baak6 cit3 gai1),又叫做白斬雞,係嘅一種烹調方法,將雞殺之後以蒸熟或以熱水浸熟而成,過程中唔加入香料,或淨係用好少嘅調味;目的係等雞嘅自然鮮味盡量顯露。白切雞係粵菜嘅傳統菜色之一,響廣東海南等各地好常見;亦係廣東燒味嘅其中一種。

傳統嘅白切雞煮法以浸為主。將水煲滾之後,就閂咗爐火,再將雞放入熱水,閂蓋,等熱水將雞浸熟,然後浸凍水等雞皮更味美。哩種煮法嘅白切雞優點係唔會過熟,肉質鮮嫩;缺點係雞可能未完全熟透,喺衛生上未必能完全附合要求。另一種煮法係將雞放在鍋內以熱水蒸熟。

最正嘅白切雞採用品種好、新鮮肥美嘅嫩雞(雞項或未生過蛋嘅雞乸)來製作,傳統嘅標準係煮到啱啱好熟。以皮滑,肉嫩,味鮮為佳。食白切雞嘅時候通常會點啲以末、粒同熱油整嘅薑蓉,增加風味。

睇埋[編輯]