海南雞飯

出自維基百科,自由嘅百科全書
Jump to navigation Jump to search
雞飯

海南雞飯係響世界各國出晒名嘅一道菜,好多唐人餐館都賣,雞嘅做法同一般白切雞冇乜分別,重點係碗飯,一定要以雞油雞湯去煲,配以醃酸菜、甜豉油、同埋薑茸。

起源[編輯]

海南雞飯係源自海南島嘅文昌雞飯,關於呢個飯嘅歷史有好幾種講法。有人話佢係嚟自新加坡一位叫王義元(Wong Yi Guan)嘅人,佢1936年去到新加坡搵食,開始拎住個竹籮喺新加坡附近一帶叫賣,後唻有啲積蓄,就開始喺茶餐室入面開檔賣雞飯。因為王義元賣嘅雞飯好出名,慢慢就開始喺馬來半島各地流傳。

但根據馬來西亞嘅講法,最早將海南雞飯發揚光大嘅係嚟自海南島嘅梁居清,喺1920年代,佢開始喺馬六甲跟啲同鄉一齊學藝整雞飯,並且喺1930年代移居雪蘭莪嘅巴生開檔擺賣。

另外,喺吉隆坡蘇丹街有間好出名嘅海南雞飯店——南香,喺1938年開業,都有好耐歷史。

不過美食家蔡瀾喺《海南雞飯研究》提到:「海南雞飯該歸功於新加坡『瑞記』餐廳的老闆莫履瑞這個人。莫履瑞在二十世紀二三十年代從海南島到新加坡以賣雞飯為生,他與一般小販不同,用雙手提着兩個竹籠:一個裝雞,一個裝飯,圓圓胖胖的飯球頗有特色」。

菜譜[編輯]

第樣菜[編輯]