花木蘭

出自維基百科,自由嘅百科全書
花木蘭
出生地亳州 喺Wikidata改呢個
國籍北魏南梁大唐 喺Wikidata改呢個
職業士兵詩人 喺Wikidata改呢個
畫入面嘅花木蘭

花木蘭粵拼faa1 muk6 laan4)係傳說喺南北朝北魏時期嘅女人,相傳佢代替佢阿爸去參軍打仗,佢嘅行就流傳落嚟,現代亦改編做唔少影視作品。

木蘭辭[編輯]

內文:木蘭辭

花木蘭係著名詩歌木蘭辭》嘅主角。以下嘅《木蘭辭》原文,同啲少見漢字標咗粵拼讀音[1]

zik1唧復唧唧,木蘭當戶織。 不聞機cyu5聲,惟聞女嘆󠄀息。
問女何所󠄁思?問女何所󠄁憶? 女亦無所󠄁思,女亦無所󠄁憶。
昨夜見軍帖,可汗大點兵, 軍書十二卷,卷卷有爺名。[註 1]
阿爺無大兒,木蘭無長兄, 願爲市鞍馬,從此替爺征。

東市買駿馬,西市買鞍zin1。 南市買bei3頭,北市買長鞭󠄀。
朝辭爺孃去,暮宿黃河邊。
不聞爺孃喚女聲, 但聞黃河流水鳴zin1濺。
旦辭黃河去,暮宿黑山頭。
不聞爺孃喚女聲, 但聞燕山胡騎聲啾啾。

萬里赴jung4機,關山度若飛。 sok3氣傳金caak3,寒光照鐵衣。
將軍百戰死,壯士十年歸。

歸來見天子,天子坐明堂。 策勳十二轉,賞賜百千強。
可汗問所󠄁欲,木蘭不用尚書郎,
願借明駝千里足,送󠄁兒還󠄁故鄉。

爺孃聞女來,出gwok3相扶將。 阿姊聞妹來,當戶理紅妝。
小弟聞姊來,磨刀霍霍向豬󠄁羊。
開我東閣門,坐我西閣床。 脫我戰時袍,著我舊時裳。
當窗理雲ban3,對鏡帖花黃。 出門看火伴,火伴皆驚惶:
同行十二年,不知木蘭是女郞!

雄兔腳撲朔,雌兔眼迷󠄁離。兩兔傍地走,安能辨我是雄雌?

史實[編輯]

睇埋:南北朝同埋柔然

一般都認為,花木蘭好可能係真有其人嘅,而且應該係一位北朝人:有學者睇住《木蘭辭》首詩「旦辭黃河去,暮至黑山頭」同「但聞燕山胡騎聲啾啾」等嘅字句嚟考究返啲地理,主張首詩講嗰場仗應該係北魏柔然(古時亞洲北部一國,佢哋嘅主要語言蒙古語系)之間打嘅;除此之外,北朝同南朝比起嚟不溜都比較尚武,佢哋啲女人好興得閒會玩吓騎馬射箭,所以如果話佢哋出咗個後生女唔淨只識打仗仲頂替佢阿爸上陣,都唔算係好出奇嘅事[1]

影響[編輯]

可以睇睇《嬉笑集 · 木蘭從軍》—

亞蘭生得咁風騷,心口誰知有執毛。
老豆當兵偏要替,姑娘擒賊至慌箍。
石獅睇見都流淚,紙馬騎親咪甩鬚。
嫩過藕瓜條手臂,點嚟揸把殺人刀。

註釋[編輯]

  1. 可汗」(粵拼hak1 hon4)係古時西北民族對君主嘅稱呼,可以睇睇現代蒙古話入邊嘅 Khaan 一詞。

參考資料[編輯]

  1. 1.0 1.1 木蘭詩 (PDF) 《積學與涵泳——中學古詩文誦讀材料選編》

出面網頁[編輯]