茶芥

茶芥係指餐廳入面供應畀客人嘅茶同埋各種調味品、小食（醬菜、炒花生）、濕紙巾等。茶芥主要係會喺香港嘅酒樓度見到，其他嘅香港餐廳有啲都有，大中華地區亦都有唔少餐廳有。

茶芥通常要收費，要收嘅錢叫茶位錢，有啲餐廳會視乎客人飲乜茶葉而定價，有啲就劃一收費。如果茶芥要收費，茶位錢係喺嗰啲餐廳度食飯嘅最低消費額，坐低咗就要俾㗎喇。有啲茶位錢係食店服務員嘅主要收入來源，有啲比主菜重貴。由於競爭激烈，有酒樓已經唔收茶位錢。

名

茶芥呢個詞係由茶嘅「茶」字同芥末醬嘅「芥」字組合而成。