華英中學

出自維基百科,自由嘅百科全書
  呢篇文講嘅唔係英華書院
華英中學

華英中學英文Wa Ying College,縮寫 WYC,簡稱華英),喺香港九龍城區何文田常和街8號,係一間津貼男女子中學,辦學團體係香港基督教循道衛理聯合教會。校史可以追溯到1913年喺廣東佛山創校嘅華英學校(1946年開始叫華英中學),1952年因為中共建政而被逼停辦,到1971年由佛山華英中學嘅舊生喺香港恢復創辦。

校舍用咗近五十年之後,2018年教育局接納咗華英中學嘅原址重建申請。原訂計劃係喺2021年9月搬入新蒲崗嘅前文理書院(九龍)校舍作為臨時校舍,而原址會起過一座提供30間課室嘅後千禧校舍(由梁黃顧建築師事務所設計),預計重建為期三年[1][2]。不過喺2021年5月19號,香港政府決定暫時撤回華英中學嘅重建計劃嘅4.7億元撥款申請,原因係未獲主導立法會嘅建制派議員支持計畫。由於之前討論期間梁美芬暗指華英中學曾參與反修例事件(華英中學校長尹志華曾經喺反修例運動期間,喺《華英家書》呼籲政府「擱置沒有迫切性而又造成嚴重分裂」嘅逃犯條例),俾教協同民主黨人士認為,親中派係以政治原因封殺撥款[3][4]

學校概況[編輯]

辦學宗旨[編輯]

本基督精神,發展全人教育;藉宣講福音,培育學生活出豐盛生命,傳承勤學儉樸、尊師愛校之優良傳統。

校訓[編輯]

「合作、關懷、服務」

校徽[編輯]

香港華英嘅校徽保留佛山華英傳統,表示以基督精神為基礎,培訓學生成為博學多才、品格完美嘅中華精英。

  • 五道光芒」:代表德、智、體、群、美五育,係完美之人格光照世界。
  • 鐵砧」:代表以科技振興中華。
  • 百科全書」:代表博學多才。
  • 聖經」:代表以聖經為基礎,同時,華英又以「合作、關懷、服務」為校訓,發揚佛山華英「愛母校、愛師長、愛同學」嘅優良傳統。

參考[編輯]

  1. 立法會教育事務委員會 8097EB — 九龍常和街 8 號華英中學重建計劃
  2. A New Chapter of Wa Ying College - Wa Ying School News
  3. 府暫撤華英中學重建撥款申請 葉建源:以政治原因封殺撥款. Now 新聞 (香港中文). 喺2021-05-21搵到.
  4. 建觸礁傳因反修例 華英:續教學生不暴力 - 20210520 - 教育. 報新聞網 - 每日明報 daily news (繁體中文). 喺2021-05-21搵到.

出面網頁[編輯]