蔡亮

蔡亮，JP（英文：Laura Liang Aron）係香港女公務員，現任油尖旺區民政事務專員，2014年8月上任。

簡歷

蔡亮喺1994年加入香港政府政務職系，做過嘅政府部門包括民政事務局、民政事務總署、前運輸局、前工商及科技局、香港特別行政區政府駐北京辦事處、商務及經濟發展局同發展局，亦做過香港駐東京經濟貿易代表。

蔡亮個老公係西洋人，佢個英文名有冠夫姓Aron。

爭議事件

2019年區議會選舉，香港眾志秘書長黃之鋒喺提名期第一日報名參選南區海怡西選區。南區民政事務專員馬周佩芬出任南區選舉主任。佢一路拖住唔批黃之鋒個提名，拖到10月24號仲突然請病假。香港政府安排蔡亮署任南區選舉主任。蔡亮喺10月29號裁定黃之鋒區選提名無效，因為佢認為黃之鋒仲支持香港獨立。