蔡展鵬
提示：呢篇文講嘅唔係陳展鵬。| 蔡展鵬 Frederic Choi Chin-pang PDSM | |
|---|---|
 香港香港警務處國家安全處處長 | |
| 任期 2020年7月1號－2021年8月 | |
| 主管 | 劉賜蕙 |
| 個人資料 | |
| 性別 | 男 |
| 出世 | 1970年8月28號[1].svg){kind=small} 英屬香港 |
| 國籍 | 中國（香港） |
蔡展鵬，PDSM（英文：Frederic Choi Chin-pang，1970年8月28號—）係香港警務處高級助理處長、國家安全處前處長。
簡歷
[編輯]蔡展鵬喺1995年加入香港警務處任職督察，主要負責保安情報同行動工作，亦曾經喺前線擔當唔同行動指揮崗位。
佢喺2009年至2020年期間連升五級，由督察升到去高級助理處長，分別喺2009年開始升為警司，2014年晉升為高級警司，喺香港保安部擔任單位指揮官，專責有關保安事務嘅情報行動、調查、分析同聯絡工作。佢喺2017年6月晉升為總警司，出任保安部副主管；喺2019年1月擢升為助理處長，執掌保安部；喺2020年7月擢升為警務處高級助理處長，執掌國家安全處[2][3]。
蔡展鵬備受警隊栽培，曾經多次去中國大陸同海外多間院校受訓，包括北京清華大學、英國國家警務促進局、澳洲警察管理學院、加拿大警察學院、美國亞太安全研究中心同哈佛大學甘迺迪公共行政學院，攞到社會科學學士學位，同修畢人權法以及公共政策及管理兩個碩士學位[4]。
2020年，蔡展鵬獲頒授香港警察卓越獎章[5]。2021年2月再獲頒授行政長官公共服務獎狀[6][7]。
2021年8月，蔡展鵬調任警務處人事及訓練處處長[8]。
俾美國制裁
[編輯]2021年1月15號，美國財政部宣佈，制裁6名損害香港自治嘅中港官員同公開佢哋個人資料，被制裁人士包括蔡展鵬同譚耀宗等人[9]。被執行制裁嘅人士除咗佢哋喺美國嘅資產會被凍結外，海外同香港銀行服務亦極有可能會被取消[10]。2021年3月2號，蔡展鵬向恒生銀行還清佢獨資持有嘅火炭御龍山單位按揭貸款，當時單位市值約1300萬港元[11]。
幫襯無牌按摩店
[編輯]2021年5月，蔡展鵬被發現幫襯無牌按摩店，期間遇到同袍查牌，警隊高層知悉事件後展開紀律調查。佢被休假一個月接受調查[12]。警務處處長鄧炳強喺5月12號傍晚開記者會表示已經指派有組織罪案及三合會調查科調查呢件事，但係警方嘅做法畀人批評係「自己人查自己人」。
5月18號，有組織罪案及三合會調查科完成初步調查，佢哋話暫時睇唔到蔡展鵬有違法、違規或者唔道德行為。2021年8月，律政司通知返警務處，事件冇牽涉刑事成份，會交畀公務員事務局公務員紀律秘書處根據「公務人員管理命令」處理[13]。
參考
[編輯]- ↑ "Hong Kong-related Designations; Iran-related Designations and Designations Updates; Global Magnitsky Designations; Counter Terrorism Designation Update; Non-Proliferation Designations Updates - U.S. Department of the Treasury". 原先內容歸檔喺2021-01-15. 喺2021-01-17搵到.
- ↑ 凌逸德 (2019-10-12)。〈【警隊執位】高層年底大執位 麥展豪主動調職 劉業成或提早離任〉。
- ↑ 〈蔡展鵬任警隊國安處處長 直屬劉賜蕙管轄〉。原先內容歸檔喺2021-05-11。喺2021-01-18搵到。
- ↑ 〈蔡展鵬升高級助理處長 22 年來從未在媒體曝光 長期任職保安部 11 年內升五級〉。立場新聞。2020-06-14。原先內容歸檔喺2020-09-28。喺2021-01-18搵到。
- ↑ 〈二〇二〇年授勳名單 附件：二〇二〇年授勳名單〉 (PDF) (新聞稿) (繁體中文)。香港政府新聞公報。2020年10月1號。頁 19。
- ↑ 〈行政長官表揚七名現任同前任高級警務人員（附圖）〉。2021-02-10。
- ↑ 〈2021年第97號號外公告〉 (PDF)。《香港憲報》。2021-02-10。
- ↑ 〈警務處處長蕭澤頤：蔡展鵬案無刑事成份 調任人事及訓練處處長〉。香港01。2021-08-07。
- ↑ "U.S. announces new sanctions on six linked to Hong Kong mass arrests". 2021-01-15. 原先內容歸檔喺2021-01-21. 喺2021-01-17搵到.
- ↑ 羅冠聰 (2020-08-08)。〈深度剖析美國制裁的後果、影響以及中共反制可能〉。立場新聞。原先內容歸檔喺2020-08-15。喺2021-01-17搵到。
- ↑ 〈【美國裁制】警國安處長蔡展鵬還清御龍山單位按揭 人行黨委書記同日指港機構不執行制裁〉。《立場新聞》。2021-03-08。原著喺2021-03-18歸檔。喺2021-05-12搵到。
- ↑ 〈警國安處長蔡展鵬幫襯無牌骨場斷正 遭勒令休假〉。蘋果日報。2021-05-12。原先內容歸檔喺2021-05-11。喺2021-05-11搵到。
- ↑ 〈警隊國安處處長蔡展鵬將復工 平調人事及訓練處處長〉。東方日報。2021-08-07。
