藍鯨 (遊戲)

出自維基百科,自由嘅百科全書
跳去: 定向搵嘢

藍鯨粵拼laam4 king4俄文Синий кит)係隻恐怖同自殺式傾向嘅暴力遊戲,由21歲俄羅斯僆仔——菲臘·布德金(Phillip Budeikin)負責整。佢整呢個遊戲係菲臘本人利用自殺傾向嚟清淨下社會嘅不良風氣。遊戲發佈出街之後,俾全球好多個國家猛咁批評[1]。甚至有好多歐洲國家開始封殺呢個遊戲。

遊戲目的[編輯]

遊戲嘅主要爆機目的係50日內,要搞掂嗮層主要求嘅各種殘忍方式令自己受到傷害嘅任務。喺開始參加呢種遊戲之前,必須要提供個人信息(例如身份證同個人相),女仔嘅要畀多張自己本人嘅鹹相先至得。而且一旦加入遊戲後,層主重威脅半路冇得退出。一旦退出,會有好多休咎嘢埋嚟[註 1],搞到成身蟻[2][3][4]

其中第一個任務要求係每日04:20起床,之後成日睇恐怖Ⅲ級片或「M 成年觀眾」節目,重要用刀或匕首鎅花自己隻手臂(要鎅成藍鯨個樣);中途重唔畀同其他人做交流或溝通;到任務最後一日(第50日)要通過完成自殺任務先至可以爆機[2][4]

遊戲管理員畀出任務嘅目的同方式,類似非法傳銷同部分邪教嘅洗腦統治形式好相似[2][4]

反應同封殺[編輯]

呢個遊戲出街之後,由於俄羅斯喺2015年4月到2017年3月間出現130宗疑後生仔因為呢種遊戲自殺[5],令總統普京開始關注呢單嘢兼打擊呢種網絡教唆犯罪活動。最後喺2016年10月捉咗負責整同發佈呢個遊戲嘅人[6]

應對[編輯]

雖然遊戲製作、發佈人已經被收監,但由於家下網絡媒體氾濫而從俄羅斯好快傳到其他國家。同時好多歐美國家同中國大陸都發出咗遊戲警告,話呢個遊戲有個人自殺傾向,好易命仔凍過水,勸玩家千祈冇掂佢。

家下喺俄羅斯西歐國家、巴西智利哥倫比亞中國大陸墨西哥都向呢個遊戲列入咗黑名單。

註同攷[編輯]

  1. 呢個遊戲之所以半佬退出會搞出好多休咎嘢,係因為層主對呢啲玩家有個集體嘅硬性要求。一旦有個人退出,若果玩家係男方,層主會向玩家提供嘅身份證住址消息再向家庭其一成員抄家問斬或玩家本身追斬;若果玩家係女方,層主會將玩家畀出嘅鹹相擺上網嘅偏激、殘忍行為[2][3][4]