蘇逸恒（英文：So Yat Hang，1993年6月25號—）係香港民主黨前任中央委員，東區區議會愛秩序灣選區前任議員。
蘇逸恒做過區議員黃偉賢同立法會議員許智峯嘅助理。2019年，蘇逸恒喺區議會選舉出選愛秩序灣選區，結果佢鍊贏顏尊廉徒弟郭詠健，成功當選。
2021年9月10號，佢同黨友周卓奇參加2021年香港區議員宣誓，佢喺9月15號被港府裁定宣誓無效，即時冇咗區議員席位。
2022年1月，佢同黨友梁翊婷喺第7屆香港立法會選舉之前，喺未經批准下以個人身份支持潘焯鴻，而畀其他黨員向紀律委員會投訴，結果佢哋被民主黨革除黨籍。
