蝦夷地

日文寫法
日文原文	蝦夷地
假名	えぞち
黑本式羅馬字	Ezo-chi

蝦夷地（日文：えぞち），係日本江戶時代對蝦夷人，即而家嘅阿伊努人居住地嘅稱呼，同大和民族居住嘅「和人地」相對應。以而家嘅北海道（南部渡島半島除外）做中心，包含咗庫頁島仲有千島群島等地。舊底又叫做蝦夷國（えぞのくに）。

喺15～16世紀期間，以渡島半島南部為勢力範圍嘅蠣崎氏，先後畀當時實際統治日本嘅豐臣秀吉（關白、太閤）、德川家康（征夷大將軍）認可咗擁有對蝦夷地嘅支配權，同埋貿易權。到咗江戶時代後，蠣崎氏改咗名叫松前氏，仲俾列入咗大名、當主松前慶廣分封做松前藩，領有而家北海道南部嘅「和人地」同蝦夷地。後尾，北海道太平洋側同千島俾改埋名做東蝦夷地、北海道日本海側同庫頁島就俾改叫西蝦夷地。而東蝦夷地喺1799年、西蝦夷地喺1807年，先後俾幕府歸做佢自己嘅直轄地。1809年，庫頁島改名「北蝦夷」。1821年，蝦夷地全境試過再度成為咗松前藩領地，但到咗1855年又再俾嗮幕府劃成佢自己嘅直轄地。

明治2年（1869年）8月15號，發布咗太政官布告，蝦夷地俾改名北海道、北蝦夷地改名樺太。

出面網頁[編輯]

虾夷、库页岛和千岛群岛的地图, 1854