蠏山公園
蠏山公園（粵拼：haai5 saan1 gung1 jyun2）係中國廣東廣州嘅一間公園，喺1932年起好，位置喺黃埔區蠏山，近蠏山路嘅位。佢既係黃埔區最早嘅公園之一，又係廣州地區入面，地形最得意嘅公園。
史
[編輯]内文：蠏山砲臺
公園之前係大清光緒十一年間（1885年）起好嘅蠏山砲臺。1922年孫文廣州蒙難事件之後，嗰時廣東艦隊名將陳策喺蠏山起咗好多座亭仔，重喺山頂整埋碑文，從而喺1932年開闢成公園。不過公園一直冇人打理而逐漸荒廢咗，直到1964年先至重新搞返出嚟。
特色
[編輯]公園有2.18公頃咁大，地質環境係典型嘅丹霞地貌，入面主要以自然生態為主，有好多花草樹木響度，包括咗人心果、簕杜鵑、土沉香、格木、臺灣相思樹、落羽杉、陰香、紅花楹、木棉花、美人樹、桂花、及毛杜鵑等一系列園林植物。入面主要包括咗砲臺遺址區、四方亭、八角亭、百步梯、半山亭、南大門觀景平台等。尤其山頂重有座砲臺響度。
連出去
[編輯]- 蟹山公園 攜程旅遊
- 蟹山公园 - 广州市 ugo.cn
- 细数广州九大最“奇葩”公园 你知道哪些？ 花城网