袁莎妮

出自維基百科,自由嘅百科全書
Jump to navigation Jump to search

袁莎妮JP英文Shirley Yuen1969年11月5號—)係香港總商會中文香港總商會總裁,香港政府前政務官,被稱為前政務司司長唐英年嘅「愛將」[1]

簡歷[編輯]

袁莎妮喺嘉諾撒聖心書院畢業,再喺英國牛津大學一級榮譽畢業[2],1991年加入香港政府做政務主任。

2002年7月,唐英年做工商及科技局局長,袁莎妮做唐英年嘅政務助理,2003年唐英年獲委任為財政司司長,袁莎妮繼續做佢嘅政務助理至2006年。其後做過副行政署[3],2010年9月離開政府,最後任職運輸及房屋局副秘書長,當時人工一個月約莫14萬港元[4]

香港總商會總裁招聘爭議[編輯]

2011年8月,袁莎妮獲香港總商會請做總裁,接替提早離職嘅方志偉,成為香港總商會頭一位女總裁同埋最後生總裁[5]。傳媒報導指袁莎妮並唔係按香港總商會嘅慣例公開招聘[1],而係由香港總商會主席胡定旭揀過再經理事會確認,惹來爭議。2011年9月20號嘅《明報》訪問袁莎妮,佢否認加入總商會係為唐英年參選第4屆香港行政長官選舉「拉票」,並強調「不存在種票」。又否認同胡定旭為唐英年助選有關。

被懷疑婚外情[編輯]

袁莎妮未婚,2011年9月19號《明報》報道,詹培忠問過唐英年佢嘅「婚外情」,並指「唐英年回應話係『過去式』」。《明報》提及袁莎妮嘅名,暗示有關。第二日《明報》訪問袁莎妮,佢強烈否認同時任政務司司長唐英年有婚外情,又讚前上司唐英年係一「尊敬嘅上司」[6]

2017年4月,王維基同袁莎妮一齊現身曾俊華66歲生日派對,正印女朋友身份曝光。2018年10月,王維基同袁莎妮入紙登記結婚

[編輯]

  1. 1.0 1.1 "唐愛將掌總商會惹反彈 無依慣例公開招聘 理事反對無果". 《明報》 (用中文寫). 香港. 2011年9月19號. 
  2. "政情:袁莎妮任總商會CEO遭非議". 《東方日報》 (用中文寫). 香港. 2011年8月3號. 
  3. "四常秘六署長升級". 《星島日報》 (用中文寫). 香港. 2008年5月22號. 
  4. "不滿問責制官員低水平管治 政務主任爆發離職潮". 《蘋果日報 (香港)》 (用中文寫). 香港. 2010年6月18號. 
  5. "41歲袁莎妮創兩紀錄 總商會最後生CEO". 《明報》 (用中文寫). 香港. 2011年9月19號. 
  6. 明報 互聯網檔案館歸檔,歸檔日期2011年9月23號,. 袁莎妮:與唐英年無婚外情

出面網頁[編輯]