西區公眾貨物裝卸區

西區公眾貨物裝卸區
國家	中華人民共和國
西區公眾貨物裝卸區嘅位置
[改維基數據]

西區公眾貨物裝卸區（英文：Western District Public Cargo Working Areas ）俗稱西環碼頭，係香港一個公眾貨物裝卸區，喺西環城西道到干諾道西海皮。東接西區副食品批發市場以及中西區海濱長廊西區副食品批發市場段。

裝卸區範圍入面有大水氹，好似塊鏡噉有倒影個天，景色靚，所以畀人叫做「香港天空之鏡」，英文就叫「Instagram Pier」，代表可以將呢度嘅相放上Instagram度呃like。

2021年3月1號，海事處用疫情做理由，喺冇諮詢部門同區議員嘅情況下，唔畀公眾自由出入西區公眾貨物裝卸區，只有工作人員先入得。中西區區議會議員葉錦龍批評政府無視區議會同政府部門之間嘅溝通機制，做事獨裁。區議員張啟昕指政府再容唔落自主嘅社區空間，形容「我哋冇咗個社區嘅後花園。」而唔少市民對有關安排覺得可惜。不過都有意見認為越嚟越多人去呢個地方，會搞到環境衞生有唔好嘅影響，亦影響正常卸貨工作。另外過去亦有唔同嘅人四圍爬貨櫃、起重機，2020年12月26號又曾經發生街童縱火、私自閹割船主狗隻等問題，所以亦都有好多街坊認為幾件事同封閉係有關係而記者發現碼頭嘅閘口處喺2月28號上晝圍封上鎖，市民入唔到。