貝澳

出自維基百科,自由嘅百科全書
Jump to navigation Jump to search
從天后宮外嘅沙灘,向西望嘅貝澳泳灘。後面由左至右可以見倒大東山二東山同埋蓮花山三座高山,圖嘅右面係潟湖出海口。
黃昏時分,貝澳泳灘嘅西邊。
日落時分,貝澳泳灘嘅西部。
挨晚,貝澳泳灘東邊。後面係芝麻灣半島
貝澳泳灘

貝澳,正名杯澳,古名螺杯澳,係香港大嶼山南岸一個嘅有人住嘅地方,俟住嶼南道。由老圍、新村、羅屋同埋鹹田等幾條村夾埋。喺歷史文獻之中,叫做螺杯澳螺盃澳

貝澳泳灘而家係康樂及文化事務署管理嘅泳灘,有更衣室沖涼露營燒嘢食呢啲設施,泳季重會有救生員當值。

[編輯]

貝澳個地形好似個咁樣,所以佢亦叫做螺杯澳[1]。螺盃澳個名早喺明朝萬曆(1573年 - 1620年)嗰時,喺郭棐嘅《粵大記》已經有記載。

[編輯]

貝澳發現過新石器時代嘅嘢[2],即係可能喺幾千年前,已經有新石器時代嘅人喺貝澳住。喺清朝世祖順治十八年(1661年),大嶼山居民因為遷界令而要搬走,復界之後(1669年)先陸續返返嚟住。

貝澳主要分為四條村,包括姓張嘅老圍鹹田,同埋姓何嘅新村羅屋。每條村都有宗祠同埋社壇,而且有風水林。老圍而家仍然有一邊石砌矮圍牆,用嚟阻擋水浸嗰時嘅洪水。貝澳村民以前一係耕田,再唔係就捉漁。喺河口嗰邊,有座清朝仁宗嘉慶四年(1799年)起嘅天后宮,間廟面對西南方,背山面海,裏頭重有一個銅鐘。喺天后宮附近有洪聖廟嘅遺址[1]

一九五六年到一九六三年[3],香港缺食水,香港政府石壁水塘,開嶼南道東涌道大澳道,連貫各地。喺貝澳南部,連到分流嘅山水,全部截住,引去水塘。就係咁樣,搞到田地冇水灌溉。之後,耕田嘅村民唔耕,放晒啲水牛,另謀生計。而家村民大多數做渡假屋士多生意。

地理[編輯]

貝澳嘅地形

貝澳位於大嶼山東南面,喺大嶼山嘅南岸。貝澳東面係芝麻灣,南面係貝澳灣(係一個海灣),西面係長沙,北部係南大嶼郊野公園[4]。貝澳係一個沙咀,幾條由附近嘅山流入海,或者流入石壁水塘,其中一條河經過梅窩西南嘅山谷流入貝澳灣。海水河水形成一個又鹹又淡嘅水嘅交界嘅地形同生態,海邊沖積成個螺形嘅海灘。

貝澳對外嘅海灣係貝澳灣。

介紹[編輯]

海灘[編輯]

貝澳海灘設有更衣室、廁所、淋浴、救生員,由康樂及文化事務署管理。海灘裏頭有士多,有賣游水用品、嘢食。因為海灘嘅水分別係嚟自海同埋河,貝澳海灘就喺鹹淡水交界。個海灘嘅水質,每年都會俾環境保護署評做良好(一級)或者 一般(二級),冬天就唔評級[5][6]

2008年6月26號6月30號,康樂及文化事務署喺貝澳海灘做過防鯊網維修工程[7],個灘閂過一排。

因為貝灘海灘面向西南偏南[8]。所以,喺貝澳可以清楚睇倒日落

貝澳營地同燒烤場[編輯]

貝澳營地入口
貝澳燒烤場

喺貝灣海灘入面設有一個公眾同埋免費嘅營地,全年開放畀人露營,由康樂及文化事務署管理。有 52 個露營位[9],每個營位用木欄間開,地面一般係

貝灣海灘有個免費公眾嘅燒烤場地,畀市民燒嘢食。場地入面有幾十個爐,大部分嘅爐都喺露營位附近。

要露營要到管理處登記先,唔收錢,但係管理處唔提供露營或燒嘢食用具,自己帶嚟或者去鋪頭買。另外,康樂同文化事務署規定都唔可以帶入營地,不過,營地時不時都會有流浪狗出入。

交通[編輯]

參考[編輯]

  1. 1.0 1.1 http://www.iatolife.com/hkdiscovery/special22_25.jsp 互聯網檔案館歸檔,歸檔日期2008年9月27號,. 地理探索 - 貝澳,喺2008年11月16號搵到。
  2. http://www.hknature.net/chi/geodiary/diary_33.html 互聯網檔案館歸檔,歸檔日期2008年11月20號,. 地理日記
  3. http://www.wsd.gov.hk/tc/html/edu/fish/sp_rev.htm 互聯網檔案館歸檔,歸檔日期2008年11月13號,. 香港水務署 - 石壁水塘
  4. http://maps.google.com.tw/maps?ie=UTF8&ll=22.243861,113.973155&spn=0.024945,0.045319&z=15&brcurrent=0x346ef3065c07572f:0xe711f004bf9c5469 Google地圖 - 貝澳地圖
  5. http://www3.news.gov.hk/isd/ebulletin/tc/category/environment/070824/html/070824tc04001.htm 互聯網檔案館歸檔,歸檔日期2009年4月30號,. 香港政府新聞網 - 舂坎角貝澳泳灘水質轉好
  6. http://www.epd.gov.hk/epd/tc_chi/environmentinhk/water/beach_quality/bwq_current_i_po.html 互聯網檔案館歸檔,歸檔日期2008年11月20號,. 環境保護署
  7. http://hk.news.yahoo.com/article/080630/3/5l98.html 兩泳灘防鯊網維修完成
  8. http://maps.google.com.tw/maps?ie=UTF8&ll=22.234049,113.976974&spn=0.049894,0.090637&t=h&z=14&brcurrent=0x346ef3065c07572f:0xe711f004bf9c5469 Google地圖 - 貝澳衛星圖
  9. http://www.lcsd.gov.hk/camp/b5/p_ng_po.php 互聯網檔案館歸檔,歸檔日期2008年11月21號,. 康樂及文化事務署貝灣度假營
  10. http://www.newlantaobus.com/road_1.htm 互聯網檔案館歸檔,歸檔日期2008年10月24號,. 新大嶼山巴士1號路線
  11. http://www.newlantaobus.com/road_3M.htm 互聯網檔案館歸檔,歸檔日期2008年11月3號,. 新大嶼山巴士3M號路線
  12. http://www.newlantaobus.com/road_4.htm 互聯網檔案館歸檔,歸檔日期2007年10月29號,. 新大嶼山巴士4號路線
  13. http://www.newlantaobus.com/road_A35.htm 互聯網檔案館歸檔,歸檔日期2008年10月21號,. 新大嶼山巴士A35路線