燒嘢食

出自維基百科,自由嘅百科全書
一齊燒嘢食

燒嘢食粵拼siu1 je5 sik6英文Barbecue,又叫 BBQ,讀音似粵拼bi1 bi1 kiu1)係一種煮食方法,通常認為係人類最原始嘅煮食方式,一般嚟講,燒嘢食係將啲嘢食放喺上面燒熟,喺現代社會,由於有多種用火嘅方式,燒烤方式亦逐漸多元化,發展出各式燒烤爐、燒烤架、燒烤醬等。燒嘢食亦成為一種社交聚會休閒娛樂方式或者係生意。一個人燒嘢食喺現代社會係好少見,無論喺亞洲美洲歐洲等,燒嘢食通常係細至家庭,大至學校嘅集體活動。

由於肉類喺燒嗰陣會產生霧,燒嘢食通常都喺戶外進行。但煙霧可以用強力通風將佢大幅減少,因此亦有餐廳發展出室內燒烤嘅型式,喺亞洲例如日本韓國台灣泰國等地方,稱之為燒肉店,亦即係喺枱中間有燒烤架,枱上面有強力抽風機,喺燒烤架上面放無煙木炭,網架或欄架畀客人自己將生肉燒熟嘅方式。

古今分別[編輯]

之前[編輯]

當人類重係晌捕獵同採摘野果充飢嘅時代,一切幾乎都係即食。士多啤梨蘋果係,飛禽走獸殺咗返嚟都係生食,停留晌茹毛飲血嘅階段。當人類發現鑽木可以取火,就開始利用火嚟改善生活,好似照明取暖以及煮食等等。由於冇任何裝嘢嘅砂煲罌罉,一切都係用手又或者用樹枝代手去做。搵啲返嚟去起火,用樹枝木棍直接拮住啲啱啱打返嚟嘅豬牛羊等等肉類,直接同火接觸,燒到佢出煙變色熟晒,食得,就係古代嘅燒烤,其實同家陣三五成群郊野燒嘢食好似,不過用具同玩法當然先進好多。

而家[編輯]

好多燒味
羊肉

今時今日,燒嘢食唔再係醫肚咁簡單。燒嘢食成為飲食業中其中一門最撈得起嘅生意。世界各地發展出好多具備當地風格,各有所長嘅燒烤類型。韓燒、港式燒味東南亞串燒等等都好受大眾歡迎。而且,古代燒烤通常一個人搞掂,為滿足生存必需充飢,食完就算。家陣啲人燒嘢食啱啱相反,一個人無論去郊外定係入餐廳燒嘢食都唔常見,因為除咗醫肚,好多時喺為咗聯誼,係人類社會一種人際交流活動。都市人會約埋去燒烤餐廳唰餐勁,鄉郊居民會叫埋鄰居老友嚟開個燒烤大會,邊食邊吹水,都見到燒嘢食呢件事晌現代嘅轉變同功能轉換。有得食有得玩有意義,一舉幾得。

燒嘢食用嘅嘢[編輯]

:燒嘢食一定要起火。一般郊遊/沙灘,又或者街邊串燒檔,用燒烤爐燒嘢食主要都係用,或者執啲乾嚟燒。起火過程叫透爐或者起爐,炭唔係咁容易燒得着,要視乎每個人嘅經驗。餐廳就方便得多,燒嘢食甚至唔再一定見到火。利用電或煤氣爐加熱鐵板,一樣可以整熟板上食物。例如:韓燒

架生:露天燒烤一般係用燒烤叉,喺燒嘢食之前用水洗或插沙,之後燒一燒,再用紙抹,作為清潔程序。坐地式燒烤爐就用長鐵夾,放食物放喺烤架上面燒熟,之後直接分畀食客。用嚟食嘢嘅架生通常都用即棄餐具,例如:筷子或者用,裝嘢食用紙。若果著重環保,可以帶備非即棄餐具。

各地燒嘢食用咗好多唔同嘅架生,港式燒乳豬用大鐵鈎,都係因應件嘢食大細而發展出嚟。

:燒到差唔多食得嗰陣,有人鍾意加蜜糖或者燒烤醬,帶出食物嘅香味。有啲比較難熟嘅食物會用錫紙包住然後放喺炭執邊,例如:金菇牛肉番薯粟米等,大概到中段開封就食得。不過由於火力大細好難控制,同埋睇唔到裏面,好多時拆開嗰陣啲嘢食有機會咗。錫紙包嘅燒法可以加入較多調味料,例如:豉油蒜頭BBQ醬等。有另外一啲方法會將食物用半個人咁高嘅鐵叉拮起,然後喺啲火隔離唔停噉轉,係要令到每一部份嘅肉都均勻受熱。

食物:燒嘢食多數都係肉類:香腸牛丸貢丸魚蛋。其他生肉例如:雞翼牛扒雞扒豬扒羊扒、其他魚蝦海鮮等。一般街邊肉食店都有啲已經好,買嚟可以即燒嘅肉食。非肉食類嘢食通常有麵包棉花糖粟米番薯冬菇等。都可以用錫紙包住嘅

餐廳以開放自助嘅形式任揀任攞,食物選擇都係大同小異。

飲品係必需嘅,用嚟解渴,而食飽之後又可以用嚟淋熄爐火。

燒嘢食地方[編輯]

烏魯木齊兩個人做緊串燒

嘅人經常會晌屋企個花園度搞燒嘢食,叫埋三五知己隔離鄰舍一齊嚟聯誼。由於地方大,十幾廿人邊食邊玩邊吹水,悠悠閒閒過個歡樂下晝,非常寫意。

好似香港呢啲太細嘅地方,搵個後園燒嘢食唔係咁容易。唔少私人樓個天台都畀住客租嚟燒嘢食,而政府晌唔少沙灘郊野公園都整咗好多石造嘅燒烤爐,畀市民燒嘢食。市民拎齊架生,先到先得,等到個爐就有得你燒。大時大節,免費爐例必供不應求。有啲有公眾爐嘅地方會有私人營業嘅燒烤檔,齋提供鐵架爐租畀人,不過收費幾揦脷,大節日更加會坐地起價,比閒日高一到兩倍不等,重要限制時間。

近年有新興燒烤樂園湧現,晌一啲位置離市區幾遠,但係風景幾正嘅地方開設一大個燒烤場。裏面提供所有嘢食同架生,重有玩嘅,好似足球直播、麻雀耍樂等等,畀錢就有得玩有得食,成為好多家庭聚會或者集體活動嘅去處。

串燒好味抵食,晌各地嘅露天市集食街都見到串燒檔開到成行成市。串燒流行令到市區任何一條街邊都變成燒嘢食嘅地方

晌露天地方燒嘢食,好處係啲可以自然散走,唔會搞到一陣味。不過時下好多餐廳經營各國嘅燒烤菜,令到燒嘢食可以登堂入室。食客可以嘆住冷氣,自己一邊燒一燒食,又或者職員燒,顧客食。燒嘢食經已唔再一定搞到周身汗污糟邋遢,而係一年四季都可以舒舒服服。燒烤餐廳較常見係做韓燒,皆因佔地唔多,一個場可以開多幾圍。而且晌板中間放個爐做埋打甂爐更係越嚟越普遍,令食客有雙重嘅享受。

睇埋[編輯]

參考[編輯]

出面網頁[編輯]