跳去內容

超強颱風浣熊 (2014年)

出自維基百科，自由嘅百科全書
颱風浣熊（1408）
颱風（JMA）
五級超級颱風（SSHS）
颱風浣熊喺7月7號接近日本沖繩
形成2014年7月2號
消散2014年7月13號[1]
（喺2014年7月11號起轉變做溫帶氣旋）
最高風速10分鐘持續：
185公里/小時（115英里/小時）
1分鐘持續：
260公里/小時（160英里/小時）
最低氣壓930百帕（毫巴）; 27.46英寸汞柱
死亡日本5死67傷[2]；臺灣7人受傷[3]
損失$5226萬（2014年美元）
影響地區帛琉 帛琉
關島 關島
北馬利安納羣島 北馬利安納羣島
密克羅尼西亞 密克羅尼西亞
 菲律賓
 中國大陸
臺灣 臺灣
日本 日本
韓國 韓國
呢篇文係2014年太平洋颱風季嘅一部分

超強颱風浣熊（粵拼：ciu1 koeng4 toi4 fung1 wun5 hung4）（澳門叫颱風浣熊；英文：Typhoon Neoguri，國際編號：1408；聯合颱風警報中心：08W）係2014年太平洋颱風季第八個起咗名嘅風暴，亦係呢個颱風季強度第二嘅風暴。呢個颱風喺菲律賓嗌做Florita，喺日本嗌做平成26年颱風第8號（日文：平成26年台風第8号hēsē 26 nen taifū dai 8 gō
へいせい26ねんたいふうだい8ごう），喺臺灣嗌做強烈颱風浣熊。呢個颱風好猛，據日本氣象廳，呢個颱風係日本過去十年來遇過嘅最強颱風[4][5][6]，喺2014年7月時吹襲沖繩以及日本好多個縣，對日本嘅太平洋工業帶造成好大衝擊[7]。

喺沖繩地區造成嚴重破壞後，呢個颱風繼續吹襲日本本土九州西海岸，然後繼續吹向日本中部。颱風行過日本好多個縣，有將近百萬日本民眾緊急疏散。日本有100幾單傷亡報告，死咗10人，有7個係直接被害，3個死於颱風天氣導致嘅疾病。颱風過境時或者之後，有好多縣出現建築受損、大範圍洪水、設施毀壞嘅情況。幾乎成個日本都有全日暴雨、伴以短時雷雨大風嘅天氣。呢個颱風沿住日本東岸行時逐漸減弱，喺7月11號行到東京灣時就已經減弱爲熱帶風暴。

氣象歷程

[編輯]

喺6月30號，日本氣象廳記錄到喺楚克東部220公里處生成一個熱帶擾動，呢個熱帶擾動形成大面積嘅低壓區同對流。當時氣象廳預測第二日呢個區域會有生成熱帶氣旋嘅可能[8][9][10]。到7月2號，氣象廳將低壓區升爲熱帶低氣壓，同時聯合颱風警報中心發出熱帶氣旋形成警報（中文：熱帶氣旋形成警報），嗰時呢個區域由於一啲有利因素形成對流雲帶，有低垂直風切變[11][12]。7月3號上晝，日本氣象廳對呢個熱帶低氣壓發出烈風警報。此外聯合颱風警報中心亦將佢升爲強對流熱帶低壓[13][14]。遞日，警報中心將佢由熱帶低壓升爲熱帶風暴，並且已經編號爲08W[15]。

7月4號上晝，氣象廳亦將佢由熱帶低壓升爲熱帶風暴，起名爲「浣熊」（韓文：너구리Neoguri），編號1408，嗰時嘅微波圖像顯示浣熊形成緊風眼[16][17]。接住喺UTC 9：00，氣象廳升佢爲強熱帶風暴，之後浄係三個鐘嗟，又升佢爲颱風，嗰時佢沿住副熱帶高壓嘅南沿一路向西北移動[18][19]。遞日，聯合颱風警報中心亦都定浣熊爲颱風，嗰時嘅浣熊經已有夠曬厚嘅颱風雲來圍住風眼氹氹轉[20]。7月5號朝早，浣熊重係咁猛不但只重強下添，啲厚雲包到颱風眼實一實，而隻眼有45公里闊，有極強嘅漩流[21]。當呢個颱風入到菲律賓嘅責任範圍時，菲律賓大氣地球物理及天文管理局幫佢起咗個本地名做Florida。7月6號，浣熊嘅風眼去到好大嘅尺吋，有65公里闊，隻眼圓到接近中心對稱[22]。聯合颱風警報中心用微波成像發現到浣熊出現強對流中心同對流帶，極向流出好強，雲圖顯示出不斷增強緊風暴嘅輻射綫[23]。

國際太空站喺7月7號觀察到嘅浣熊颱風眼：好厚嘅雲形成嘅漩渦。

浣熊持續增強，好快就達到超強颱風級別，風速達一分鐘130海里[24]，當颱風埋近日本西南面嘅縣沖繩時，畀日本方面起名爲平成26年颱風第8號。到日本時間7月7號7：00，浣熊中心風速達180 km/h，200公里半徑範圍內嘅風速超過90 km/h[25]。喺日本時間18：20，氣象廳對宮古島、久米島發出風暴特別警報[26]，之後輪到成個沖繩本島都喺特別警報範圍內[27]。之後個颱風降級爲三級颱風，7月8號時就唔再係超強颱風[28]。入夜，浣熊行過沖繩，而日本本土嘅九州鹿兒島縣掛起颱風預警，嗰時颱風中心嘅最高風速達162 km/h[5][29]。

7月9號上晝，浣熊嘅移動變慢，以25 km/h嘅速度沿住九州西岸向東北偏北移動，影響範圍達長崎縣嘅五島列島。嗰時颱風嘅氣壓增到965百帕，導致颱風半徑內有強風，其中西部風速100 km/h，東部風速300 km/h，伴有大面積強雷暴[30]。當日晏晝，浣熊轉爲向東移動，氣壓增至970百帕，最大風速110 km/h，喺離長崎縣佐世保市332公里處時，浣熊減弱爲強熱帶風暴，隻風眼亦都就來無[31]。日本氣象廳預報喺遞日上晝浣熊會喺九州西部啲縣度登陸[32]。日本時間7月10號上晝7點，浣熊登陸九州鹿兒島縣阿久根市，爲成個日本帶來強降水，之後風暴繼續向東穿過宮崎縣，喺上晝10點，風暴入返太平洋，嗰時移動速度增到45 km/h，最大風速90 km/h[33][34]。當日晏晝，浣熊喺四國海域向本州奔襲，嗰時最大氣壓985百帕，半徑範圍內最大風速喺西北部同東南部分別爲390 km/h同600 km/h[35]。日本時間晏晝6點半左右，浣熊又一次登陸，呢次係本州和歌山縣田邊市，跟住浣熊沿海岸向東北偏東移動，減弱爲熱帶風暴[36][37][38]。

日本時間7月11號凌晨兩點半，浣熊行過伊豆半島最南端，直接吹襲伊豆大島（日文：伊豆大島），同時以35 km/h嘅速度持續接近東京灣[39]。嗰時聯合颱風警報中心已經將佢降爲熱帶低壓，兼且好快唔再監視[40]。日本時間朝早五點，浣熊經過東京灣，喺千葉縣富津市又登陸多次，之後迅速衰弱[41]。到中午時分，浣熊轉化爲溫帶氣旋，然後繼續沿日本東北地方各個縣嘅岸綫移動，嗰時最大風速得45 km/h，最高氣壓990百帕，已經無能力再增強或者繼續衝擊陸地[42]。當浣熊抵達福島縣海域時，日本氣象廳亦都唔再監視浣熊接落近七日嘅活動[43]。風暴嘅殘雲繼續喺日本北部各縣度落大雨[44]，到咗13號，浣熊喺顎霍次克海域完全消散[1]。

防災工作

[編輯]

到7月6號，日本氣象廳就已經對琉球群島嘅居民掛起警報，話浣熊係日本遇過嘅最強颱風之一[4]；當時氣象廳預報呢個颱風將會以910百帕嘅氣壓經過琉球群島。日本氣象廳將浣熊同1961年（中文：1961年太平洋颱風季）嘅颱風南施（中文：颱風南施 (1961年)）相比來警告，颱風南施喺日本嘅名嗌做「第二室戶颱風」（第2室戸台風），呢個颱風錄得嘅氣壓高達925百帕[45]。之後氣象廳開始監控浣熊（呢時浣熊已經畀菲律賓方面起名做Florida），而菲律賓大氣地球物理及天文管理局話個颱風無乜可能影響到菲律賓地方，但就估唔到之後個颱風加強咗西南季風，令菲律賓啲地方落大雨[46]。

7月7號浣熊經過臺灣一帶時，國際太空站影到嘅相

臺灣時間7月7號凌晨三點時，臺灣嘅中央氣象局對幾乎轄內全境發出強風豪雨警報（除咗南投、金門、嘉義）[47]。入夜時，由於颱風轉向偏北方向移動，氣象局繼續對臺灣島東部、北部海面發出颱風警報，呢個係臺灣方面對浣熊嘅最後警報[47]。亦係同一日，中國大陸方面嘅中央氣象臺（中文：中央氣象臺）對浣熊發出颱風藍色預警信號，不過無更嚴重嘅警報，因爲浣熊無點影響到中國大陸區域[48]。亦係呢日，由於浣熊嘅環流帶來咗強風及海上風浪，馬來西亞氣象局發出危險警報，呢時浣熊喺大馬沙巴古達東北方1995公里處，不過可以影響到海上作業及水上運動，噉係因爲浣熊加強咗西南季風，當時風速喺40到50 km/h之間，吹出嘅浪高達3.5米[49]。

7月7號，日本氣象廳對颱風經過地區嘅居民發出咗最高嘅特別警報[25]。氣象廳喺2013年創立特別警報，表示呢個氣象災害會好嚴重，而呢次係第二次發出特別警報，第一次用時係因爲熱帶風暴萬宜（中文：颱風萬宜 (2013年)）[50]。當時預計個颱風會喺颳過沖繩北部後重猛下添，兼且會喺佢500公里嘅半徑範圍內造成嚴重損失[4]。氣象廳亦警報話14米高嘅大浪會衝擊到宮古島同沖繩島。沖繩好多地方畀雨量達80 mm/h嘅暴雨襲擊，同時亦畀颱風環流導致嘅風暴潮衝擊。由於打颱風時係日本嘅夏雨季，颱風會引發好危險嘅山泥傾瀉同洪水氾濫[26][51]。7月5號，美軍駐喺沖繩嘅嘉手納空軍基地（中文：嘉手納空軍基地）就已經落令疏散咗啲飛機。嘉手納空軍第十八聯隊指揮官占士·克恪（James Hecker）喺互聯網度發佈話呢個颱風好牙煙，預見會對空軍基地有所損毀[52]。

沖繩有19個市町村共59萬人緊急疏散，呢個人數佔到沖繩人口嘅三分一[53]，其中包括宮古島兩萬五千戶家庭共五萬五千人、以及首府那霸13萬8千人嘅居民[54]。

攷

[編輯]
  1. ↑ 1.0 1.1 "Marine Weather Warning for GMDSS Metarea XI 2014-07-13T12:00:00Z". WIS Portal – GISC Tokyo (英文). 日本氣象廳. 原著喺2014-10-17歸檔. 喺2014年7月5號搵到.
  2. ↑ 〈災害等情報（詳報）〉 (PDF)。經濟產業省。原著 (PDF)喺2016年5月29號歸檔。喺2014年7月10號搵到。
  3. ↑ 〈野柳捲瘋狗浪 一家九口遭浪襲7傷〉。中時電子報。2014年7月9號。原著喺2014年7月14號歸檔。喺2015年2月7號搵到。
  4. ↑ 4.0 4.1 4.2 "Super-typhoon Neoguri approaches Japan's Okinawa islands". 衞報. 2014年7月7號. 喺2014年7月8號搵到.（英文）
  5. ↑ 5.0 5.1 "Bão Neoguri đổ bộ vào tỉnh Okinawa". NHK環球廣播網. 2014年7月8號. 原著喺2015年8月26號歸檔. 喺2022年4月9號搵到.（越南文）
  6. ↑ 〈浣熊直撲沖繩 日十年來最強七月颱〉。公視新聞。2014年7月8號。原著喺2020年3月28號歸檔。喺2014年7月10號搵到。
  7. ↑ "Le supertyphon Neoguri frappe Okinawa et menace tout le Japon". 世界報. 2014年7月7號. 喺2014年7月9號搵到.（法文）
  8. ↑ "Significant Tropical Weather Advisory for the Western and South Pacific Oceans Reissued 302200Z Jun 2014–010600Z Jul 2014" (英文). 聯合颱風警報中心. 原先內容歸檔喺2014年7月1號. 喺2014年7月5號搵到.
  9. ↑ "Track file of Typhoon 08W (Neoguri)" (英文). 美國海軍研究實驗室. 原著喺2017年1月24號歸檔. 喺2014年7月5號搵到.
  10. ↑ "Marine Weather Warning for GMDSS Metarea XI 2014-07-01T18:00:00Z". WIS Portal – GISC Tokyo (英文). 日本氣象廳. 原著喺2014-11-09歸檔. 喺2014年7月5號搵到.
  11. ↑ "JMA WWJP25 Warning and Summary July 2, 2014 18z" (英文). 日本氣象廳. 2014年7月2號. 原先內容歸檔喺2014年7月3號. 喺2014年7月5號搵到.
  12. ↑ "Tropical Cyclone Formation Alert" (英文). 聯合颱風警報中心. 原先內容歸檔喺2014年7月5號. 喺2014年7月5號搵到.
  13. ↑ "RSMC Tropical Cyclone Advisory 030000" (英文). 日本氣象廳. 原先內容歸檔喺2014年7月3號. 喺2014年7月5號搵到.
  14. ↑ "Prognostic Reasoning for Tropical Depression 08W (Eight) Warning Nr 01" (英文). 聯合颱風警報中心. 原先內容歸檔喺2014年7月3號. 喺2014年7月5號搵到.
  15. ↑ "Prognostic Reasoning for Tropical Storm 08W (Eight) Warning Nr 04" (英文). 聯合颱風警報中心. 原先內容歸檔喺2014年7月4號. 喺2014年7月5號搵到.
  16. ↑ "RSMC Tropical Cyclone Advisory 040000" (英文). 日本氣象廳. 原先內容歸檔喺2014年7月4號. 喺2014年7月5號搵到.
  17. ↑ "Prognostic Reasoning for Tropical Storm 08W (Eight) Warning Nr 05" (英文). 聯合颱風警報中心. 原先內容歸檔喺2014年7月4號. 喺2014年7月5號搵到.
  18. ↑ "RSMC Tropical Cyclone Advisory 050900" (英文). 日本氣象廳. 原先內容歸檔喺2014年7月5號. 喺2014年7月5號搵到.
  19. ↑ "Prognostic Reasoning for Tropical Storm 08W (Neoguri) Warning Nr 07" (英文). 聯合颱風警報中心. 原先內容歸檔喺2014年7月5號. 喺2014年7月5號搵到.
  20. ↑ "Prognostic Reasoning for Typhoon 08W (Neoguri) Warning Nr 08" (英文). 聯合颱風警報中心. 原先內容歸檔喺2014年7月5號. 喺2014年7月5號搵到.
  21. ↑ "Prognostic Reasoning for Typhoon 08W (Neoguri) Warning Nr 10" (英文). 聯合颱風警報中心. 原先內容歸檔喺2014年7月6號. 喺2014年7月6號搵到.
  22. ↑ "Prognostic Reasoning for Typhoon 08W (Neoguri) Warning Nr 13" (英文). 聯合颱風警報中心. 原先內容歸檔喺2014年7月6號. 喺2014年7月6號搵到.
  23. ↑ "Prognostic Reasoning for Typhoon 08W (Neoguri) Warning Nr 15" (英文). 聯合颱風警報中心. 原著喺2014年7月6號歸檔. 喺2014年7月6號搵到.
  24. ↑ "Prognostic Reasoning for Typhoon 08W (Neoguri) Warning Nr 16" (英文). 聯合颱風警報中心. 原著喺2014年7月6號歸檔. 喺2014年7月6號搵到.
  25. ↑ 25.0 25.1 "Emergency warning issued for Typhoon Neoguri" (英文). NHK環球廣播網. 2014年7月7號. 原先內容歸檔喺2014年7月9號. 喺2014年7月8號搵到.
  26. ↑ 26.0 26.1 〈台風8号：宮古島に全国初の特別警報〉 (日文)。沖繩時報。2014年7月7號。喺2014年7月7號搵到。
  27. ↑ 〈宮古島市、2万5000世帯に避難勧告 台風8号が接近〉。日本經濟新聞。2014年7月7號。喺2014年7月8號搵到。（日文）
  28. ↑ Morgan, Leigh. "Typhoon Neoguri tracking toward Japan is powerful -- but no longer super typhoon". Al.com (英文). 伯明翰新聞（英文：The Birmingham News）. 喺2014年7月8號搵到.
  29. ↑ "Typhoon Neoguri lashing Okinawa islands" (英文). NHK環球廣播網. 2014年7月8號. 喺2014年7月8號搵到.
  30. ↑ 〈台風８号 五島列島の一部が暴風域に〉。日本放送協會。2014年7月9號。喺2014年7月9號搵到。（日文）
  31. ↑ "STS Neoguri moving east off Kyushu" (英文). NHK環球廣播網. 2014年7月9號. 原先內容歸檔喺2014年7月9號. 喺2014年7月9號搵到.
  32. ↑ 〈台風８号 あす九州に接近 上陸のおそれ〉。日本放送協會。2014年7月9號。喺2014年7月9號搵到。（日文）
  33. ↑ "Storm makes landfall on Kyushu, 3 dead". NHK環球廣播網. 2014年7月10號. 原先內容歸檔喺2014年7月10號. 喺2014年7月10號搵到.（英文）
  34. ↑ 〈台風８号、九州横断＝１１日朝にかけ太平洋側東進－死者３人に〉。《時事ドットコム》 (日文)。時事通信社。2014年7月10號。原著喺2014年7月14號歸檔。喺2014年7月10號搵到。
  35. ↑ 〈台風情報〉。《Goo天氣》 (日文)。NTTレゾナント。2014-07-10。原先內容歸檔喺2014-07-10。喺2014年7月10號搵到。
  36. ↑ 〈平成26年 台風第8号に関する情報 第110号〉 (日文)。日本氣象廳。2014年7月10號。原著喺2014年7月14號歸檔。喺2014年7月10號搵到。
  37. ↑ "Severe tropical storm moving east-north-east" (英文). NHK環球廣播網. 2014年7月10號. 原先內容歸檔喺2014年7月10號. 喺2014年7月10號搵到.
  38. ↑ "RSMC Tropical Cyclone Advisory 111500" (英文). 日本氣象廳. 原先內容歸檔喺2014年7月10號. 喺2014年7月10號搵到.
  39. ↑ 〈台風８号 伊豆半島南部を通過〉。NHK NEWSWeb (日文)。日本放送協會。2014年7月11號。原先內容歸檔喺2014年7月12號。喺2014年7月11號搵到。
  40. ↑ "Prognostic Reasoning for Tropical Storm 08W (Eight) Warning #31A CORRECTED" (英文). 聯合颱風警報中心. 原先內容歸檔喺2014年7月10號. 喺2014年7月11號搵到.
  41. ↑ 〈台風８号が温帯低気圧に 警戒は継続を〉。NHK NEWSWeb。日本放送協會。2014年7月11號。喺2014年7月11號搵到。（日文）
  42. ↑ "RSMC Tropical Cyclone Advisory 110000" (英文). 日本氣象廳. 原先內容歸檔喺2014年7月11號. 喺2014年7月11號搵到.
  43. ↑ "Typhoon 201408 / 2014-07-11 00:00 (UTC)の観測データ" (日文). Digital Typhoon. 2014年7月11號. 原先內容歸檔喺2014-07-12. 喺2014年7月12號搵到.
  44. ↑ "Tropical storm becomes low pressure system" (英文). NHK環球廣播網. 2014年7月11號. 原先內容歸檔喺2014年7月11號. 喺2014年7月11號搵到.
  45. ↑ 〈猛烈勢力で8日沖縄接近＝大型台風8号、早めに警戒―9日以降九州付近へ・気象庁〉。《時事通信》 (日文)。雅虎新聞。2014年7月6號。原著喺2014年7月6號歸檔。喺2014年7月6號搵到。
  46. ↑ "Severe Weather Bulletin Number One: Tropical Cyclone Alert: Typhoon "Florita" (Neoguri)" (英文). 菲律賓大氣地球物理及天文管理局. 2014年7月5號. 原著喺2014年7月9號歸檔. 喺2014年7月5號搵到.
  47. ↑ 47.0 47.1 〈強颱浣熊影響台北下雨了！下半天降雨較緩和〉。NOWnews.com。今日新聞。2014年7月7號。原著喺2014年7月9號歸檔。喺2014年7月9號搵到。
  48. ↑ 〈颱風預警—中央氣象臺7月9日18時繼續發佈颱風藍色預警〉。中央氣象臺。原著喺2014年7月9號歸檔。喺2014年7月9號搵到。
  49. ↑ "Amaran angin kencang, laut bergelora susulan Taufan Neoguri" (馬來文). Berita Harian Online. 2014年7月7號. 原著喺2014年7月7號歸檔. 喺2014年7月7號搵到.
  50. ↑ 〈台風８号：沖縄に特別警報　異常事態と気象庁〉。《沖繩時報》 (日文)。2014年7月8號。原著喺2014年7月14號歸檔。喺2014年7月11號搵到。
  51. ↑ Kurtenbach, Elaine (2014年7月8號). "Typhoon sweeps across Okinawa; 10 injured, 1 dead" (英文). Japan Today. 喺2014年7月8號搵到.
  52. ↑ "Japan on highest typhoon alert, 480,000 urged to take shelter" (英文). 法新社. 2014年7月8號. 原著喺2014年7月14號歸檔. 喺2014年7月8號搵到.
  53. ↑ 〈台風8号沖縄に接近　19市町村、59万人余りに避難勧告〉。fnn-news.com (日文)。富士新聞網。2014年7月8號。喺2014年7月8號搵到。{{cite web}}: CS1 maint: url-status (link)
  54. ↑ 〈沖縄県で53万人に避難勧告 台風8号、宮古島接近〉。《日本經濟新聞》 (日文)。2014年7月8號。喺2014年7月8號搵到。
2014年太平洋颱風季嘅熱帶氣旋（改）
日本氣象廳熱帶氣旋等級
TD TS STS TY



香港天文台颱風等級
TD TS STS T ST SuperT



* PAGASA名
# JTWC編號
^ 其它氣象台
由「https://zh-yue.wikipedia.org/w/index.php?title=超強颱風浣熊_(2014年)&oldid=2028763」收