馬來西亞氣象局

出自維基百科,自由嘅百科全書
跳去導覽 跳去搵嘢
馬來西亞氣象局
Jabatan Meteorologi Malaysia
جابتن ميتيورولوڬي مليسيا
Malaysian Meteorological Department
Malaysian Meteorological Department Logo.jpg
官方標誌
Agency overview
Formed1946年9月1號
Preceding agencies
  • 新加坡觀測站(1820年)
  • 馬來亞氣象局(1946年)
Jurisdiction 馬來西亞
Headquarters 馬來西亞雪蘭莪八打靈再也
3°06′N 101°39′E / 3.100°N 101.650°E / 3.100; 101.650
Parent department馬來西亞能源、科學、科技、氣候變化及環境部
Websitewww.met.gov.my

馬來西亞氣象局粵拼ma5 loi4 sai1 a3 hei3 jeung6 guk6英文Malaysian Meteorological Department,簡稱:MMD或者MetMalaysia)係一個隸屬馬來西亞能源、科學、科技、氣候變化及環境部嘅政府部門,負責向馬來西亞政府同公眾提供氣象學地球物理學嘅觀測信息,同管理馬來西亞各地方氣象機構。

歷史[編輯]

馬來西亞嘅氣象觀測史可以追溯至19世紀初。1820年,新加坡開始咗氣象觀測業務,呢個係馬來亞氣象觀測史嘅開端。1883年,馬來亞衛生署開始喺檳城馬六甲地區觀測氣壓、氣溫同降雨量。1926年,氣象部門喺馬來亞一間醫院建立咗首個氣象站,開始進行日常性氣象觀測。1924年,馬來聯邦嘅氣象業務改由博覽署接管。1930年,馬來西亞半島嘅氣象觀測事務轉由調查局管理,並組建咗首個獨立氣象部門[1]

直至1930年代,馬來聯邦調查局氣象分局已經發展為一個組織完整嘅現代化氣象機構。1931年,泛馬來亞氣象總部喺新加坡成立。1938年,馬來亞政府任命首任馬來氣象局局長。其後,伴隨住馬來亞聯邦嘅創立,1946年9月1號,總部設喺新加坡嘅馬來亞氣象局正式成立。1958年,馬來亞氣象局喺吉隆坡新街場機場成立機場氣象局[1]

1958年5月19號,馬來西亞政府聯合國交存加入世界氣象組織嘅公約文書並加入咗世界氣象組織。1963年8月9號,馬來亞氣象局總部搬去吉隆坡。兩年後嘅1965年8月9號,隸屬於馬來西亞交通部嘅馬來西亞氣象局正式成立,馬來西亞新加坡嘅氣象業務亦同時分離[1]

馬來西亞成立後,馬來西亞嘅氣象觀測得到咗進一步發展。1967年,馬來西亞氣象局研究同培訓處成立。1968年4月1號,馬來西亞氣象局位於八打靈再也嘅總部大樓建成。1968年,氣象局衛星氣象處同電子數據處理處成立。1969年7月1號,氣象局由馬來西亞民航局手中接管咗沙巴砂拉越州嘅氣象部門。隨後1970年代,馬來西亞氣象局相繼成立咗水文氣象處、農業氣象處、海洋氣象處、氣象儀器部、環境研究處,海洋氣象處以及地震處。1984年,馬來西亞氣象局轉隸科學、工藝及環境部(MOSTE),即今日嘅科學、工藝與革新部(MOSTI)。1985年,北海地區氣象局改由馬來西亞氣象局管理。1997年8月15號,中央預報辦公室喺八打靈再也總部成立[1]

業務[編輯]

馬來西亞一個氣象觀測台站

作為前英國殖民地馬來西亞嘅氣象觀測事業深受英國影響。馬來西亞氣象局嘅觀測方式同英國氣象部門相當接近,觀測儀器同規範亦充分參考咗英國嘅經驗[2]。依家,馬來西亞擁有至少30個主要氣象站,一啲氣象站亦兼有航空氣象站嘅功能,為鄰近嘅機場提供服務[2]。除咗軍民用航空氣象服務之外,馬來西亞氣象局嘅業務範圍仲包括防災減災、海洋氣象、農業氣象、氣候研究、地震觀測、大氣監測同氣象科普等[3]。氣象局亦會同時為學術界提供地震目錄同大氣觀測報告以供學術研究[1]

馬來西亞氣象局指出,佢哋正積極謀求到2030年成為氣象氣候地球物理服務機構入面嘅佼佼者,以滿足馬來西亞國民經濟同社會發展需要[4]

任務[編輯]

滿足國家喺氣象氣候地球物理服務方面嘅需求,以實現福祉、安全同可持續發展。

戰略推力[編輯]

  • 提升天氣服務嘅有效性以減低災害風險
  • 加強飛行氣象服務,以保障飛行安全同福祉
  • 賦能地震海嘯服務,以減低地震同海嘯嘅災害風險
  • 為國家繁榮加強氣候服務
  • 賦能人力資本發展

架構[編輯]

一個喺砂拉越美里氣象雷達監測站

馬來西亞氣象局

  • 總幹事
    • 副總幹事(戰略同技術)
      • 研究與及開發部
      • 國家氣候中心
      • 技術培訓科
      • 戰略規劃及國際部
      • 氣象通訊司
    • 副總幹事(營運)
      • 國家氣象地球物理運行中心
      • 技術氣象及地球物理部
      • 雷達及衛星氣象司
    • 國家氣象航空中心
    • 國家氣象局
    • 管理服務部
    • 氣象儀器及大氣科學中心
    • 企業通訊部
    • 誠信單位

參考[編輯]

  1. 1.0 1.1 1.2 1.3 1.4 引用錯誤 無效嘅<ref>標籤; 無文字提供於名為報道1嘅參照
  2. 2.0 2.1 引用錯誤 無效嘅<ref>標籤; 無文字提供於名為論文1嘅參照
  3. 引用錯誤 無效嘅<ref>標籤; 無文字提供於名為論文2嘅參照
  4. "Jabatan Meteorologi Malaysia". 馬來西亞氣象局. 原著喺2014-12-15歸檔. Unknown parameter |deadurl= ignored (help)

出面網頁[編輯]