跳去內容

馬利奧系列

出自維基百科，自由嘅百科全書
(由超級瑪利奧系列跳轉過嚟)

馬利奧系列係任天堂推出嘅一系列電子遊戲，由馬利奧做主角 ，好多時重有佢細佬Luigi出場。遊戲嘅目的最常見係馬利奧由反角Koopa手上救番Peach公主。

馬利奧（初時英文版係叫Jumpman，日文版就冇名）係由電子遊戲設計人宮本茂設計，並成為1981年出嘅Donkey Kong（金剛）遊戲要控制嘅角色。1983年，馬利奧同佢新設計嘅細佬Luigi喺孖寶兄弟出場。多年嚟，馬利奧喺大概200隻遊戲出現過，馬利奧系列遊戲賣出咗超過4億份，成為歷嚟最好賣嘅電子遊戲系列[1]。

系列

[改源碼]

馬利奧系列亦衍生出多款系列：

玩法

[改源碼]
睇埋：平台遊戲

喺馬利奧系列平台遊戲，動作主要包括跳起踩死敵人，同埋避開敵人攻擊。喺後來嘅3D遊戲，有時要同多個敵人打埋身肉搏戰，過關亦可能有唔同要求，好似係打敗敵人或者解決問題。喺成個系列，儲升級法寶係遊戲嘅一個主要部分。

喺2D遊戲，每一關都係線性，並分為幾個唔同嘅世界，每一關都有啲隱藏嘅嘢，同埋跳關水管。早期2D遊戲嗰啲關只得一個出口，下一關亦冇得揀。超級孖寶兄弟3係第一隻提供世界地圖嘅遊戲。喺遊戲裏面，啲關顯示喺地圖上面，馬利奧行邊條路都有得揀。同一個世界嘅關唔順序玩甚至係跳關都得。超級馬利奧世界開始出現多過一個出口嘅關，開邊條新路視乎馬利奧喺嗰關邊個出口走。此外啲關過咗之後可以玩完再玩，而唔會迫你去下一關。

超級馬利奧64，超級馬利奧陽光同超級馬利奧 奧德賽：呢幾款3D遊戲嘅關唔係線性，而係採用箱庭玩法。馬利奧要喺每一關攞Power Star／Shine Sprites／力量之月，攞得越多就去到越多地方。

超級馬利奧銀河，超級馬利奧銀河2，超級馬利奧3D樂園同超級馬利奧3D世界：呢幾款3D遊戲嘅關係運用傳統線性玩法，同2D嘅遊戲模式相似

不時出現嘅法寶

[改源碼]

喺超級孖寶兄弟遊戲首次出現裝嘢嘅「箱」，佢哋入面有銀仔或者升級法寶。

超級蘑菇（スーパーキノコ，Super Mushroom）係種紅色加白點（原本係紅色加橙點）嘅蘑菇，同馬利奧差唔多大細，喺超級孖寶兄弟首次出現。馬利奧一攞到個蘑菇就可以變大隻（即係超級馬利奧），可以打爛一啲磚頭，同埋中咗招亦只會變返細隻而唔會即死（但亦有例外，例如跌落熔岩）。喺超級馬利奧狀態，大多數包含一個超級蘑菇嘅箱會提供更強嘅升級法寶，例如火花。喺RPG遊戲，呢啲蘑菇可以補充體力；而喺孖寶賽車系列，佢可以提供一次渦輪增壓加速。喺超級孖寶兄弟2有外觀相似嘅毒蘑菇（毒キノコ），一掂到就相當於中一次招。

1UP蘑菇（1UPキノコ，1-Up Mushroom）係種綠色加白點（原本係綠色加橙點）嘅蘑菇，同馬利奧差唔多大細，喺超級孖寶兄弟首次出現。馬利奧一攞到個蘑菇就可以獎一隻。

火之花（ファイアフラワー，Fire Flower），同樣喺超級孖寶兄弟首次出現，可以令馬利奧變成Fire Mario。Fire Mario可以掟火球做武器，打低敵人。另外又有冰花（アイスフラワー，Ice Flower）可以令馬利奧變成Ice Mario，喺超級馬利奧銀河可以喺水面同埋熔岩整個冰面出嚟行，而喺新超級孖寶兄弟Wii就可以掟冰球冰封敵人，並利用佢哋做平台或者掟死其他敵人。

星星（スーパースター，Starman）喺超級孖寶兄弟首次出現，馬利奧攞到佢就可以變成無敵一段時間，喺一啲遊戲裏面可以走得更快。而喺超級馬利奧銀河出現嘅彩虹星，功能同佢差唔多，但馬利奧會成身彩虹色。

金幣最早喺孖寶兄弟出現，喺超級孖寶兄弟同之後一啲系列遊戲，馬利奧儲夠100個銀仔就可以獎一隻。而喺馬利奧3D遊戲，銀仔可以補充體力（喺水底可以增加空氣）。而喺一啲遊戲好似RPG遊戲同埋孖寶派對系列，銀仔可以當錢使。

水管係馬利奧系列一種常見嘅運輸方式。佢哋通常係綠色，但亦有啲係用第二啲色，並且有好多用途。水管可以通去遊戲裏面唔同地方，亦可能收埋敵人，又或者將馬利奧射上天。水管喺孖寶派對系列亦係一種法寶，可以跳去棋盤唔同地方。

角色

[改源碼]

主要角色

[改源碼]

所有人物主要喺競賽遊戲或外傳作品出場，但正篇遊戲至今大多只可以用馬利奧、Luigi進行遊戲。

瑪利奧（マリオ Mario?）
初出作品：咚奇剛（1981年）
配音：查爾斯·馬爾蒂內（中文：查爾斯·馬爾蒂內）
本系列正篇作品嘅主人翁，意大利裔美國人嘅水管工，而家住喺蘑菇王國。身材矮又肥，性格勇敢無懼，成日都會義不容辭拯救陷入危機嘅蘑菇王國同對抗庫巴。
路易吉（ルイージ Luigi?）
初出作品：孖寶兄弟（1983年）
配音：Julien Bardakoff（孖寶賽車64 日版、孖寶派對、孖寶派對2、孖寶賽車Advance）、查爾斯·馬爾蒂內（中文：查爾斯·馬爾蒂內）（1997年－）
馬利奧嘅雙胞胎細佬，從第二玩家（2-Player）衍生出嚟嘅角色，亦都係住喺蘑菇王國嘅水管工。身材較高瘦，但性格較為溫柔細膽。
  • 碧琪公主（ピーチ姫；英文叫Princess Peach，以前叫過做Princess Toadstool）
  • 奇諾比奧（中文：奇諾比奧）（キノピオ；英文叫Toad）
  • 耀西（中文：耀西）（ヨッシー）
  • 羅潔塔（ロゼッタ；英文叫Rosalina）

輔助角色

[改源碼]
  • 黛西公主（デイジー姫；Princess Daisy）
  • 奇諾比珂（キノピコ；英文叫Toadette）
  • 奇諾爺爺（キノじい；英文叫Toadsworth）

敵人

[改源碼]
  • 庫巴（クッパ Koopa?）
  • Koopalings（コクッパ）
    • Roy Koopa（ロイ）
    • Larry Koopa（ラリー）
    • Iggy Koopa（イギー）
    • Ludwig Von Koopa（ルドウィッグ）
    • Lemmy Koopa（レミー）
    • Wendy O. Koopa（ウェンディ）
    • Morton Koopa, Jr.（モートン）
  • 庫巴 Jr.（クッパJr.；英文叫Bowser Jr.）
  • Kamek（カメック）
  • King Telesa（キングテレサ；英文叫King Boo）
  • 華利奧（ワリオ；Wario）
  • 華路易吉（ワルイージ）

系列遊戲一覽

[改源碼]
遊戲名日文名英文名機種推出日子
咚奇剛ドンキーコングDonkey Kong街機1981年
咚奇剛Jr.ドンキーコングJR.Donkey Kong Jr.街機1982年
水管瑪利奧兄弟マリオブラザーズ（Mario Brothers）Mario Bros.紅白機1983年
超級瑪利奧兄弟スーパーマリオブラザーズ（Super Mario Brothers）Super Mario Bros.紅白機1985年
超級瑪利奧兄弟2スーパーマリオブラザーズ2（Super Mario Brothers 2）Super Mario Bros.: The Lost Levels紅白機1986年
超級瑪利奧兄弟USAスーパーマリオUSA（Super Mario USA）Super Mario Bros. 2紅白機1988年
超級瑪利奧兄弟3スーパーマリオブラザーズ3（Super Mario Brothers 3）Super Mario Bros. 3紅白機1988年
超級馬利奧樂園スーパーマリオランドSuper Mario LandGame Boy1989年
超級瑪利奧世界スーパーマリオワールドSuper Mario World超級任天堂1990年
超級馬利奧樂園2: 六個金幣スーパーマリオランド2 6つの金貨Super Mario Land 2: 6 Golden CoinsGame Boy1992年
超級馬利奧樂園3 華利奧樂園スーパーマリオランド3 ワリオランド（Super Mario Land 3: Wario Land）Wario Land: Super Mario Land 3Game Boy1994年
超級瑪利奧世界2:耀西島スーパーマリオ ヨッシーアイランド（Super Mario Yoshi Island）Yoshi's Island超級任天堂1995年
超級馬利奧64スーパーマリオ64Super Mario 64任天堂641996年
陽光瑪利奧スーパーマリオサンシャインSuper Mario SunshineGameCube2002年
新超級瑪利奧兄弟Newスーパーマリオブラザーズ（New Super Mario Brothers）New Super Mario Bros.任天堂DS2006年
超級瑪利奧銀河スーパーマリオギャラクシーSuper Mario GalaxyWii2007年
新超級瑪利奧兄弟WiiNewスーパーマリオブラザーズWii（New Super Mario Brothers Wii）New Super Mario Bros. WiiWii2009年
超級瑪利奧銀河2スーパーマリオギャラクシー2Super Mario Galaxy 2Wii2010年
超級瑪利奧3D樂園スーパーマリオ3DランドSuper Mario 3D Land任天堂3DS2011年
新超級瑪利奧兄弟2Newスーパーマリオブラザーズ2（New Super Mario Brothers 2）New Super Mario Bros. 2任天堂3DS2012年
新超級瑪利奧兄弟UNewスーパーマリオブラザーズU（New Super Mario Brothers U）New Super Mario Bros. UWii U2012年
超級瑪利奧3D世界スーパーマリオ3DワールドSuper Mario 3D WorldWii U2013年
超級瑪利奧創作家スーパーマリオメーカーSuper Mario MakerWii U2015年
超級瑪利奧 RunスーパーマリオランSuper Mario RuniOS、Android2016年
超級瑪利奧奧德賽スーパーマリオ オデッセイSuper Mario OdysseySwitch2017年
超級瑪利奧創作家 2 スーパーマリオメーカー2 Super Mario Maker 2 Switch 2019年
超級瑪利奧兄弟 驚奇 スーパーマリオブラザーズ ワンダー Super Mario Bros. Wonder Switch 2023年

參考

[改源碼]
  1. ↑ スーパーマリオブラザーズ，任天堂

出面網頁

[改源碼]
由「https://zh-yue.wikipedia.org/w/index.php?title=馬利奧系列&oldid=2415293」收