迪尼·狄德羅

迪尼·狄德羅

迪尼·狄德羅（法文：Denis Diderot；1713年10月5號—1784年7月31號）係法國啟蒙運動時期嘅哲學家，百科全書派嘅代表人物。佢嘅最大成就係主編咗《百科全書，或科學、藝術與工藝詳解辭典》。

1745年，狄德羅應邀將當時從英國引入嘅《錢伯斯百科全書》譯成法文，但係喺翻譯過程當中發現伊本百科全書內容過時，觀點陳舊，於是向出版商提出由法國人重新編寫一部百科全書。出版商接受建議，狄德羅於是同莊·勒隆·達朗伯（Jean le Rond d'Alembert）合作，喺盧梭、伏爾泰、豪白男爵（Baron de Holbach）等啟蒙思想家嘅支持下，集合咗當時全法國最優秀嘅超過100位思想家、哲學家、科學家、政治家，以及工程師、航海家、軍事專家同醫生，共同編寫法國有史以來最宏大嘅百科全書。《百科全書》喺1772年出版。