達斡爾族

達斡爾族（斡讀挖，粵拼：daat6 waat3 ji5 zuk6；中國標準羅馬字：Daur，字母代碼：DU，數字代碼：31^[1]）係主要住喺內蒙古同黑龍江嘅蒙古系中國少數民族。「達斡爾」喺達斡爾話嘅意思係「開拓者」，而喺蒙古話嘅意思係「自言自語」，之後中文音譯記寫爲「達斡爾」。據2000年中國人口普查，達斡爾族共13萬2747人，同其他嘅少數民族如滿族、朝鮮族、蒙古族喺內蒙古、東北住。

好多達斡爾族人信奉薩滿教，亦有好多信喇嘛教，即係藏傳佛教。達斡爾族係薩滿教發達嘅民族，唔同地方甚至唔同屋企嘅達斡爾人嘅薩滿儀式都係特有。

而家一般認為達斡爾族係過去契丹人嘅後裔。清朝末代皇帝宣統帝溥儀嘅夫人，末代皇后孝恪愍皇后郭布羅氏·婉容就係達斡爾族人。