郭田葰

郭田葰（英文：Marcus Kwok Tin Chun，1981年 7月17號—）係香港自由身藝人，澳洲華人，以前係急症室醫生。

生平[編輯]

郭田葰阿爸係印尼唐人，有荷蘭同印尼血統，阿媽係唐人，有一位家姐，8歲咸家移民印尼。

郭田葰1997年喺澳洲墨爾本讀高中，1999年考入墨爾本蒙納士大學醫科，2005年正式成為醫生。郭田葰因為鍾意刺激，又試過有一位老教授讚佢喺關鍵時刻保持到冷靜，所以郭田葰揀咗成為一名急症室醫生，喺墨爾本博士山醫院（英文：Box Hill Hospital）同馬龍達醫院做嘢。

郭田葰有興趣演藝工作，喺澳洲讀大學時已經週不時參加唱歌比賽，亦攞過獎。佢試過喺澳洲墨爾本3ZZZ（英文：3ZZZ）同3CW（英文：3CW）中文廣播電台每星期主持一個兩個鐘頭節目，內容包括天氣、時事、娛樂新聞同醫學常識。2008年亦做過墨爾本華裔小姐競選司儀。

郭田葰喺澳洲居留多年之後，至2009年9月攞到澳洲國籍。

2009年，郭田葰屋企人要求佢返香港生活，所以佢回流香港發展。同年參加無綫電視香港先生選舉，成為無綫電視旗下藝員。參選時畀傳媒叫做「翻版陳司翰」。

郭田葰因為做過醫生，成日喺電視劇入面飾演醫生，被稱為「醫生專用戶」。

2022年，郭田葰離開無綫電視，恢復自由身。